რა ხდება: სალომე ზურაბიშვილი უკრაინის პრეზიდენტს გაწევრიანების მოლაპარაკების დაწყებას ულოცავს.

  • ამის შესახებ საქართველოს პრეზიდენტი X-ზე წერს.

დეტალები: საქართველოსა და უკრაინის პრეზიდენტებმა ტელეფონით გუშინ, ევროკავშირის გადაწყვეტილების შემდეგ ისაუბრეს.

  • "გულითადად ვულოცავ პრეზიდენტ ზელენსკის ამ მონაპოვარს. თქვენი ურყევი მონდომება გადამწყვეტი იყო ამ ისტორიულ მიღწევაში.
  • დარწმუნებული ვარ, რომ ჩვენი ერები უახლოეს მომავალში ერთად დადგებიან, როგორც ევროკავშირის ამაყი წევრები!" — წერს სალომე ზურაბიშვილი.

მანამდე კი უკრაინის პრეზიდენტმა დაწერა, რომ ესაუბრა სალომე ზურაბიშვილს და მას და ქართველ ხალხს ევროკავშირის სტატუსის მინიჭება მიულოცა.

  • "მოხარული ვარ, რომ მივიღე პრეზიდენტ ზურაბიშვილის მილოცვა, ევროპული საბჭოს გადაწყვეტილებასთან დაკავშირებით, უკრაინის ევროკავშირში გაწევრიანების მოლაპარაკებების გახსნის შესახებ.
  • საქართველო ჩვენს საერთო ევროპულ ოჯახს ეკუთვნის", — წერს ზელენსკი.

ბოლო ხაზი: გუშინ, დღის ბოლოს ცნობილი გახდა ევროკავშირის გადაწყვეტილება, საქართველოსთვის კანდიდატის სტატუსის მინიჭების შესახებ.

  • ბლოკმა, ასევე, განაცხადა, რომ იწყებს გაწევრიანების მოლაპარაკებებს უკრაინასთან და მოლდოვასთან.