რა ხდება: ევროპის საბჭომ გადაწყვიტა, დაიწყოს გაწევრიანების მოლაპარაკებები უკრაინასა და მოლდოვასთან.

  • ამის შესახებ X-ზე ევროპული საბჭოს პრეზიდენტმა, შარლ მიშელმა დაწერა.
  • მიშელი, ასევე, წერს, რომ საბჭომ საქართველოს კანდიდატის სტატუსი მიანიჭა.

ასევე, ევროკავშირი დაიწყებს მოლაპარაკებებს ბოსნია და ჰერცეგოვინასთან, მას შემდეგ, "რაც მიაღწევს წევრობის კრიტერიუმებთან შესაბამისობის აუცილებელ ხარისხს".

იმისთვის, რომ უკრაინასა და მოლდოვასთან ევროკავშირს გაწევრიანების მოლაპარაკებები დაეწყო, ბლოკში შემავალი 27-ვე ქვეყნის ლიდერის თანხმობა იყო საჭირო.

  • უკრაინასთან ამ პროცესის დაწყებაზე უარს ამბობდა უნგრეთის პრემიერ-მინისტრი ვიქტორ ორბანი.
  • მან დღეს სამიტის დაწყებამდეც თქვა, რომ უკრაინას არ ჰქონდა შესრულებული საჭირო პირობები და ვერ ხედავდა მიზეზს, რის გამოც უკრაინასთან გაწევრიანების შესახებ მოლაპარაკებები უნდა დაწყებულიყო.
  • რატომ არ გამოიყენა, საბოლოოდ, ორბანმა ვეტო, ჯერჯერობით ცნობილი არ არის.