კობახიძე: უნგრეთს აქვს განსხვავებული პოზიცია უკრაინასთან დაკავშირებით, რაშიც ვერ ჩავერევით

12 Dec. 2023, 14:43

კანდიდატის სტატუსთან დაკავშირებით, ყველამ ვიცით რა ვითარებაც არის. ევროკომისიას აქვს გაცემული რეკომენდაცია ევროპული საბჭოს მიმართ, რომლის თანახმადაც საქართველოს უნდა მიენიჭოს კანდიდატის სტატუსი.

თქვენ იცით, რომ უნგრეთს აქვს განსხვავებული პოზიცია უკრაინასთან დაკავშირებით. ამის შესახებ გაგრძელდება მოლაპარაკებები ევროკავშირსა და უნგრეთს შორის, ეს არის ევროკავშირისა და უნგრეთის საქმე, რაშიც ჩვენ, ბუნებრივია, ვერ ჩავერევით. უნგრეთს აქვს თავისი ინტერესი, თავისი პოზოციები, რაზეც წარიმართება მოლაპარაკებები ევროკავშირთან.

რა თქმა უნდა, ამან არ უნდა შეაფერხოს ჩვენი ქვეყნისთვის კანდიდატის სტატუსის მინიჭება. შარშან, როდესაც უკრაინას და მოლდოვას მიენიჭა კანდიდატის სტატუსი, არავის უცდია ეს დაეკავშირებინა საქართველოს თემასთან, საქართველო გაემიჯნა მაშინ. წელსაც, საქართველოს საკითხი არის საქართველოს საკითხი, უკრაინის საკითხი არის უკრაინის საკითხი და მოლდოვის საკითხი არის მოლდოვის საკითხი.

ჩვენ დაგვიდასტურეს ვიზიტის დროს, რომ რა თქმა უნდა, უნგრეთი აუცილებლად დაუჭერს მხარს საქართველოსთვის კანდიდატის სტატუსის მინიჭებას. ეს არის უნგრეთის ძალიან მყარი პოზიცია.

ბოლო ამბები:

ირაკლი კობახიძე კობახიძე: უნგრეთს აქვს განსხვავებული პოზიცია უკრაინასთან დაკავშირებით, რაშიც ვერ ჩავერევით

კომენტარები

კვირის ტოპ-5

გირჩევთ

ახლა კითხულობენ

სენაკში სანადირო თოფით კაცმა ქალი მოკლა