მართალია, ყოველი ახალი წელი ახალ მიზნებთან და სურვილებთან ასოცირდება, თუმცა ამ ყველაფერს ახლობელი ადამიანების გარეშე ხალისი სულაც არ აქვს. თუ მცირე და დიდი საჩუქრებით საყვარელი ადამიანების გახარებას შენც ყოველ ახალ წელს ცდილობ, მაგრამ იდეები ამოგეწურა, მარტო არ ხარ! ამ სტატიით შენს დახმარებას ვეცდებით, შემოთავაზებული საჩუქრების იდეებიდან კი შენი ახლობლის შესაფერისი თავად შეგიძლია შეარჩიო.

1. ერთადგილიანი ჰამაკი-სკამი ბუნების მოყვარული მეგობრისთვის

თუ შენს ახლობელს ეზოში განმარტოება და ფიქრი უყვარს, ამ კომფორტული ჰამაკით მართლაც გაახარებ. ასე შეძლებს, რომ ბუნებაში მოკალათდეს, თან კი იფიქროს, წეროს ან საინტერესო წიგნები იკითხოს.

ფასი: 89,25 ₾ / დეტალურად ნახვა

2. კოსმეტიკური სარკე — მეგობრისთვის, რომლისთვისაც მაკიაჟი ყოველდღიური რუტინაა

კოსმეტიკური სარკე ზედმეტი არასდროსაა, განსაკუთრებით მაკიაჟის მოყვარული ადამიანებისთვის. LED განათების მქონე 360°-ით მბრუნავ ორმხრივი სარკეში თავად რომ ჩაიხედავ, ჩუქებაც კი შეიძლება გადაიფიქრო!

ფასი: 160 ₾ / დეტალურად ნახვა

3. ძაღლის მოვლის ნაკრები — ახლობლისთვის, რომელსაც ცუგა ჰყავს

თუ შენს ახლობელს ცუგა შვილივით უყვარს, ამ ნაკრებით ოთხფეხა მეგობრის მოვლის რუტინა გაუმარტივდება. მოვლის ნაკრებში ყველაფერია იმისთვის, რომ ცუგამ თითოეულ ჯერზე თავი მდიდრულ სალონში იგრძნოს.

ფასი: 86,90 ₾ / დეტალურად ნახვა

4. ამერიკული ანანასის ვისკი მსმელი მეგობრისთვის

დაუვიწყარი მოგონებები სასმელთან ერთად იწყება ხოლმე, ასე რომ, რატომაც არა? თან დიდი შანსია, შენს ახლობელს ანანასის ვისკი ჯერ გასინჯული არ ჰქონდეს. შენთან ერთად თუ გახსნის, მთლად უკეთესი!

ფასი: 74,90 ₾ / დეტალურად ნახვა

5. მუცლის პრესის როლერი — მეგობრისთვის, რომელსაც ვარჯიში უყვარს

იმის მიუხედავად, რომ ფორმის შენარჩუნება მუდამ გვინდა, ქართული საახალწლო სუფრის ცდუნებებს გვერდს ვინ აუვლის? თუ შენი ახლობელიც ამ ადამიანთა სიაშია, მუცლის პრესის როლერით ვარჯიშს სახლშიც შეძლებს და ნებისმიერი მოგზაურობის დროსაც თან წაიღებს.

ფასი: 36,40 ₾ / დეტალურად ნახვა

6. ხელის მოვლის ნაკრები — მეგობრისთვის, რომელსაც თავის მოვლის მრავალფეროვანი რუტინა აქვს

როცა საქმე ხელების მოვლას ეხება, არ აქვს მნიშვნელობა, როგორი ტიპისაა ჩვენი ყოველდღიური სამუშაო. ხელების მოვლას განსაკუთრებული ყურადღება და შესაბამისი საშუალებები სჭირდება. ეს ხელის მოვლის ნაკრები კი შენს მეგობარს ყოველდღიურ რუტინას გაუმარტივებს. რაც მთავარია, Grown Alchemist-ის ნაკრები ყველა ტიპის კანისთვის რეკომენდებულია.

ფასი: 121,1 ₾ / დეტალურად ნახვა

7. საკითხავი ლამპა წიგნის ჭია ახლობლისთვის

წიგნის კითხვისას გადაღლილ თვალებს თუ შენც ხშირად იფშვნეტ, ამ ლამპის პრაქტიკულობას თავადაც კარგად მიხვდები. მეგობრისთვის კი ეს კომფორტული ლამპა წიგნის კითხვის პროცესს უფრო მეტად სასიამოვნოს გახდის.

ფასი: 66 ₾ / დეტალურად ნახვა

8. ავტომობილის მტვერსასრუტი მეგობარი მძღოლისთვის

ავტომობილში სისუფთავის შენარჩუნება მუდამ ერთი დიდი თავის ტკივილია. ავტომობილის მტვერსასრუტი კი მეგობარს საშუალებას მისცემს, მანქანა მუდამ დაწკრიალებული ჰქონდეს და ამის გასაკეთებლად სხვაზე არ იყოს დამოკიდებული.

ფასი: 155 ₾ / დეტალურად ნახვა

9. ბამბის ნაყინის აპარატი ახლობელი ოჯახისთვის

ბავშვობაში ბამბის ნაყინის აპარატზე ბევრჯერ გვიოცნებია, ახლა კი მეგობარ ოჯახსა და მათ პატარას ეს ოცნება შენ შეგიძლია აუხდინო! თუ ორიგინალური და დასამახსოვრებელი საჩუქარი გინდა, უკეთესს ბევრს ვერაფერს იპოვი.

ფასი: 188,18 ₾ / დეტალურად ნახვა

10. ჭადრაკი ჭიქებით — მეგობრისთვის, რომელიც ჭადრაკს სიმთვრალეშიც იგებს

ჭადრაკის თამაშისას შენ მიერ ყველა ფიგურის მოკვლის შემდეგ მოწინააღმდეგე რომ ალკოჰოლურ სასმელს სვამდეს, მოგების შანსი გაგეზრდებოდა? ამის გაგებას ჭადრაკის ჭიქებით თამაშისას შეძლებ. ეს განსაკუთრებული ჭადრაკია, რომლის თითოეულ ფიგურაში საყვარელი სასმელი შეგიძლია ჩაასხა და ოპონენტს ისე შეუტიო. მოკლული ფიგურის პატრონი კი ზუსტად იმ ფიგურიდან სასმელს ბოლომდე ცლის!

ფასი: 140 ₾ / დეტალურად ნახვა

თუ ამ სტატიაში მითითებული ბმულებიდან რომელიმე ნივთს იყიდით, ჩვენ, შესაძლოა, პარტნიორი მაღაზიისგან მცირე საკომისიო მივიღოთ. მსგავსი პარტნიორობა არ გულისხმობს ჩვენს სარედაქციო საქმიანობაში ჩარევას და გვეხმარება, დავაფინანსოთ დამოუკიდებელი მედიის საქმიანობა.