დიდ ბრიტანეთში კაცმა მართვის მოწმობის თეორიული გამოცდა 59 მცდელობის შემდეგ ჩააბარა. ამისთვის მან მართვის მოწმობის სკოლაში 1,380 ფუნტი ($1,748) და 60 საათი დაახარჯა.

მან რეკორდი დაამყარა და გახდა ადამიანი, რომელსაც ინგლისში თეორიული გამოცდის ჩასაბარებლად ყველაზე მეტი მცდელობა დასჭირდა. წინა რეკორდსმენებიდან ერთ-ერთი 57-ჯერ, მეორე კი 55-ჯერ ჩაიჭრა.

კამილა ბენიცმა, AA მართვის მოწმობის სკოლის დირექტორმა, განაცხადა, რომ იმისათვის, რომ ტესტის ჩაბარებაში მსურველებს გამოცდისთვის მომზადებაში დახმარებოდნენ, სპეციალური აპლიკაცია შექმნეს.

"თეორიის გამოცდას ხშირად ადამიანები არასერიოზულად უდგებიან და ფიქრობენ, რომ ძალისხმევის ჩადების გარეშეც მარტივად ჩააბარებენ, თუმცა ეს ასე არ არის", — ამბობს ბენიცი.

კვლევებმა აჩვენა, რომ მაშინ, როდესაც 2007-2008 წლებში თეორიის გამოცდის ჩაბარების მაჩვენებელი 65% იყო, 2022-2023 წელს ამ რიცხვმა 44%-მდე დაიწია. დიდ ბრიტანეთში მართვის მოწმობის აღების პირველი ეტაპი სწორედ თეორიის გამოცდის ჩაბარებაა, რაც 23 ფუნტი ღირს. მსურველს ჩაჭრის შემთხვევაში საშუალება აქვს, სამი სამუშაო დღის შემდეგ ტესტი თავიდან გაიაროს.