როგორც Aljazeera წერს, სტამბოლის ტურისტულ ცენტრში 7 ივნისს მომხდარ აფეთქებასთან კავშირის ბრალდებით, ოთხი ეჭვმიტანილი დააკავეს. აფეთქების სამიზნე პოლიციის ავტობუსი იყო. ტერაქტის შედეგად დაღუპულია 11 და დაშავებულია 36 ადამიანი. გუბერნატორ ვასიპ შაჰინის განცხადებით, ბომბი ავტობუსში შიგნით იყო ჩამონტაჟებული, რომელიც დაძვრისთანავე ამოქმედდა. გარდაცვლილებიდან შვიდი პოლიციელია.

თეთრი სახლი გმობს მომხდარს და თურქეთს თანადგომას უცხადებს ტერორიზმთან ბრძოლაში.

თურქეთში წელს ეს უკვე მესამე ტერაქტია. წინა ორი - ერაყის ისლამური სახელმწიფოსა (იგივე ISIS) და ქურთი სეპარატისტების მიერ იყო მოწყობილი.

აფეთქებებმა ზაფხულის ტურისტული სეზონისათვის უარყოფითი ფონის მომტანი აღმოჩნდა. როგორც თურქეთის ტურიზმის მინისტრი აცხადებს თუ 2015 წლის აპრილში ტურისტების რაოდენობა იყო 1,75 მილიონი, წელს ეს რიცხვი 28%-ით შემცირდა