რა ხდება: რუსეთის დუმის საგარეო საქმეთა კომიტეტი აღნიშნავს, რომ საქართველოს ხელისუფლება სწორად იქცევა, რომ "არ ემორჩილება ანტირუსულ ისტერიას".

  • განცხადებაში კომიტეტი აღნიშნავს, რომ ანტირუსული პოლიტიკა საქართველოში სწორად იქნა შეფასებული "თავის მოტყუებად და სიგიჟედ".

რა წერია განცხადებაში: "აპლოდისმენტები. როგორი სირთულეებიც არ უნდა იყოს მოსკოვისა და თბილისის ურთიერთობებში, საქართველოს ამჟამინდელ ხელისუფლებას აღმოაჩნდა გამბედაობა, არ დამორჩილებოდა ანტირუსულ ისტერიას და ეხელმძღვანელა, პირველ რიგში, ეროვნულ ინტერესებით და საკუთარი მოქალაქეების კეთილდღეობაზე ორიენტირებული პოზიციით.

ამ პრიორიტეტებით, საქართველოს ეკონომიკა სწრაფად იზრდება და ზედიზედ ორი წელია ორნიშნა ზრდას აჩვენებს. სხვათა შორის, რუს ტურისტებს კარგი შემოსავალი მოაქვთ ქვეყანაში".

  • აქვე, აღნიშნულია, რომ ევროკავშირი აგრძელებს ანტირუსული სანქციების მეთორმეტე პაკეტის შექმნას, "მანიაკალური სურვილით, გაანადგუროს რუსეთის ეკონომიკა ღილების, ნემსების, საქსოვი ჩხირების, ლურსმნების აკრძალვით".
  • დუმის საგარეო საქმეთა კომიტეტი აღნიშნავს, რომ ევროპა სულ უფრო მეტად ემსგავსება "პალატა ნომერ ექვსს".