რა ხდება: გამოცემა Politico-მ ყოველწლიური რეიტინგი გამოაქვეყნა, სადაც ევროპის გავლენიანი ადამიანები სამ კატეგორიად დაჰყო — შემსრულებლები, დამრღვევები (ძირგამომთხრელები) და მეოცნებეები.

  • ამ რეიტინგში ბიძინა ივანიშვილიც მოხვდა, დამრღვევების კატეგორიაში.
  • "პოლიტიკოს" რეიტინგის მიხედვით, ივანიშვილმა ამ კატეგორიაში მერვე ადგილი დაიკავა.
  • პირველ ადგილზე კი რუსეთის ცენტრალური ბანკის ხელმძღვანელი, ელვირა ნაბიულინაა.

რას წერს პოლიტიკო ივანიშვილზე: გამოცემა მას ოლიგარქად მოიხსენიებს.

  • წერს, რომ სასწავლებლად მოსკოვში გაემგზავრა და 1990-იან წლებში დიდი ქონების დაგროვება შეძლო.
  • "თუ ივანიშვილს დავუჯერებთ, პოლიტიკა დატოვა და შავ ზღვაზე, დენდროლოგიურ პარკთან ახლოს უბრალო ცხოვრებით ცხოვრობს, თუმცა ყველამ იცის, რომ საქართველოს უმდიდრესი ადამიანი (რომლის ქონება, დაახლოებით, ქვეყნის მშპ-ს მესამედია), მის მიერვე დაარსებული მმართველი პარტიის, "ქართული ოცნების" სადავეებს ხელიდან არ უშვებს, მისი მიზანია, საქართველო ევროკავშირის მოსაცდელი ოთახიდან გამოიყვანოს და კრემლის კლანჭებში მოაქციოს", — წერია მასალაში.

"პოლიტიკოს" ყველაზე გავლენიან "მეოცნებეთა" რეიტინგში პირველ ადგილზე უკრაინის პრეზიდენტი, ვოლოდიმირ ზელენსკია, შემსრულებლებს შორის კი რეიტინგის სათავეში იტალიის პრემიერ-მინისტრი, ჯორჯა მელონია.