რა ხდება: ისრაელის ინფორმაციით, გუშინ საღამოს ჰამასმა კიდევ 11 ტყვე გაათავისუფლა. მათ შორის არიან ეროვნებით ფრანგი, გერმანელი და არგენტინელი.

დეტალები: კატარში გამართული მოლაპარაკების ფარგლებში ისრაელი და ჰამასი 4-დღიან დაზავებაზე შეთანხმდნენ, რომლის დროსაც ჰამასი ტყვეების ნაწილს, ხოლო ისრაელი — პალესტინელ პატიმრებს გაათავისუფლებდა, ასევე, ღაზაში შევიდოდა ჰუმანიტარული დახმარება.

  • ზავი გუშინ ამოიწურა, თუმცა მხარეებმა გამოთქვეს მზადყოფნა, ის კიდევ გაგრძელდეს.
  • შეთანხმების თანახმად, ზავი, რომლის დროსაც შეჩერებულია საომარი ოპერაციები, ხუთშაბათს, დილის 7 საათზე დასრულდება.
  • ამ დროისთვის, ჰამასმა გაათავისუფლა 69 ტყვე, უმეტესად — ქალები და ბავშვები.
  • ისრაელმა ციხეებიდან გამოუშვა 150 პალესტინელი პატიმარი, რომელთა უმეტესობა, ასევე, ქალები და ბავშვები არიან.