ტოიოტა ცენტრი თეგეტას ახალი შოურუმის რეკონსტრუქცია დასკვნით ეტაპზე გადადის. იაპონური ბრენდის ქართული წარმომადგენლობა 2024 წლიდან მომხმარებლებს სრულიად განახლებულ სივრცეში უმასპინძლებს. ვიზუალურ მახასიათებლებთან ერთად, სრულად იცვლება შოურუმის კონცეფციაც, რაც რეგიონში განსხვავებული მომსახურების პრეცედენტს შექმნის.

ახალი კონცეფციის თანახმად, ყველა პროდუქტი და სერვისი ერთ მულტიფუნქციურ სივრცეში განთავსდება, რაც მომსახურების პროცესს მნიშვნელოვნად გააუმჯობესებს და გაამარტივებს. ახალი ვიზუალური იდენტობის მთავარი კონცეფცია სრულიად განახლებული სივრცეა, სადაც თითოეულ მომხმარებელს ბრენდთან უშუალო ინტერაქციის შესაძლებლობა ექნება როგორც ციფრული გზით, ისე პერსონალური მრჩევლის დახმარებით. განახლებულ შოურუმში განთავსებული ციფრული მონიტორები მომხმარებელს მისცემს შესაძლებლობას, დეტალურად გაეცნოს სხვადასხვა პროდუქტს.

ფოტო: თეგეტა მოტორსი

გარეგანი იერსახის ცვლილებასთან ერთად, მომსახურების სტანდარტის გასაახლებლად იგეგმება ორგანიზაციული ტრანსფორმაციაც. ახალი სისტემის საშუალებით შესაძლებელი იქნება ფრონტის თითოეული თანამშრომლის ცენტრალიზებული მართვა, საკვანძო პოზიციებს შორის კომუნიკაცია, ჩამოყალიბდება ახალი გუნდური მიდგომა, რაც, საბოლოო ჯამში, მომსახურებას უფრო სწრაფსა და მოქნილს გახდის.

მარიამ მელიაშვილი, ტოიოტა ცენტრი თეგეტას გენერალური დირექტორი:

"განახლებული სივრცე მთლიანად მომხმარებლის საჭიროებებზეა ფოკუსირებული. სტუმარმა შოურუმში შემოსვლის წუთიდან მაქსიმალურად სრულყოფილი მომსახურება უნდა მიიღოს. ახალი შოურუმის კონცეფცია მნიშვნელოვანი ნაბიჯია იმ ამბიციისკენ მიმავალ გზაზე, რომლის მიხედვითაც ტოიოტას ყველა მომხმარებელი შეძლებს განსაკუთრებული გამოცდილების მიღებას, რაც გულისხმობს პერსონალურ მიდგომას ყველა მომხმარებლისადმი. ტოიოტას იაპონური კულტურის ნაწილია ომოტენაში, რაც ყოველი მომხმარებლის ჩვენს სახლში მოსულ სტუმართან გაიგივებასა და შესაბამის მოპყრობას ნიშნავს. განახლებული კონცეფცია, ვფიქრობთ, მოგვცემს საშუალებას, ეს ყველაფერი რეალობად ვაქციოთ".

ტოიოტა ცენტრი თეგეტას შოურუმის რეკონსტრუქცია 2023 წელს დაიწყო. ახალი მოდერნიზებული შოურუმის გახსნა და იაპონური ბრენდის განახლებული კონცეფციით ოპერირება 2024 წლის დასაწყისიდანაა დაგეგმილი.

ფოტო: თეგეტა მოტორსი

ტოიოტა ცენტრი თეგეტამ 2014 წელს ტოიოტას დილერისა და ავტორიზებული სერვის ცენტრის ოფიციალური სტატუსი მიიღო. შოურუმი თბილისში 10 წლის წინ გაიხსნა. მისი რეკონსტრუქცია რამდენიმე თვეა მიმდინარეობს და განახლებული სივრცე სტუმრების მიღებას იანვრიდან შეძლებს. ევროპული სტანდარტების შოურუმი უნივერსიტეტის ქ. #6-ში მდებარე 800 კვ/მეტრ ფართობზეა განთავსებული. ინტერიერი ტოიოტას საერთაშორისო გაიდლაინით მოეწყობა.