ვლადიმირ პუტინმა გადაწყვიტა, რომ 2024 წელს კვლავ იყაროს კენჭი საპრეზიდენტო არჩევნებზე, ამის შესახებ "როიტერსს" ექვსმა სხვადასხვა წყარომ განუცხადა.

  • არჩევნები, რომელიც მარტში გაიმართება, საშუალებას მისცემს პუტინს, პრეზიდენტის პოსტი 2030 წლამდე შეინარჩუნოს.
  • კრემლის რეიტინგებით, მას რუსეთის მოსახლეობის 80% უჭერს მხარს.
  • დამოუკიდებელი მედიისა და განსხვავებული საზოგადოებრივი აზრის არქონის პირობებში, თუ პრეზიდენტობას კიდევ ერთი ვადით გადაწყვეტს, არჩევნები მხოლოდ ფორმალობა იქნება.

კიდევ რამდენჯერ შეუძლია არჩევნებში მონაწილეობა: 2021 წელს ვლადიმირ პუტინმა მოაწერა ხელი კანონს, რომელიც კონსტიტუციის ცვლილებას ეხება.

  • ცვლილების თანახმად, მას კიდევ 2 ვადით შეუძლია პრეზიდენტის პოსტზე ყოფნა, ანუ — 2036 წლამდე.
  • ვლადიმირ პუტინი თანამდებობას 2000 წლიდან იკავებს. ის არის მმართველი, რომელიც თანამდებობას, სტალინის პერიოდიდან, ყველაზე დიდი ხნის განმავლობაში იკავებს. მან გადააჭარბა ბრეჟნევის 18-წლიანი მმართველობის პერიოდსაც.

პუტინი 7 ოქტომბერს 71 წლის გახდა.