რა ხდება: პროკურატურამ ქორწინების იძულების ფაქტზე, 14 წლის გოგოს დედას ბრალდება წარუდგინა.

  • ინფორმაციას საქართველოს პროკურატურის პრესსამსახური ავრცელებს.

დეტალები: გამოძიებით დადგინდა, რომ მარნეულის მუნიციპალიტეტში მცხოვრები ქალი მიიჩნევდა, რომ მისი არასრულწლოვანი შვილის აზრს მნიშვნელობა არ ჰქონდა და გოგოს, მისი ნების საწინააღმდეგოდ აიძულებდა, ოჯახის მიერ შერჩეულ კაცზე ექორწინა.

  • არასრულწლოვანი, ზეწოლისთვის თავის დასაღწევად, სახლიდან წავიდა.
  • სამართალდამცველებმა ქალი სასამართლოს განჩინების საფუძველზე, 31 ოქტომბერს დააკავეს.
  • პროკურატურა აღკვეთის ღონისძიების სახით პატიმრობას მოითხოვს.