Unicef-ის აღმასრულებელი დირექტორის, კეტრინ რასელის თქმით, ყოველდღიურად, ღაზაში, 420-ზე მეტი ბავშვი კვდება, ან იღებს სხეულის დაზიანებას.

  • რასელი ამბობს, რომ ბავშვების მიმართ ძალადობა ღაზის სექტორის მიღმაც გრძელდება, დასავლეთ სანაპიროზე, მათ შორის, აღმოსავლეთ იერუსალიმში, სულ მცირე 37 ბავშვი მოკლეს.
  • ასევე, მოკლულია 30-ზე მეტი ისრაელელი ბავშვი, 20 კი ჰამასმა ღაზის სექტორში ტყვედ წაიყვანა, მათი ბედი უცნობია.
  • კეტრინ რასელის თქმით, პალესტინელ და ისრაელელ ბავშვებს, მძიმე ტრავმის შედეგები, მთელი ცხოვრების განმავლობაში შეიძლება გაჰყვეთ.

ომის შედეგები ღაზაში: 7 ოქტომბრის შემდეგ, ღაზის სექტორში, სულ მცირე 8306 ადამიანია მოკლული, მათგან 3457 ბავშვია.

  • ამ ინფორმაციას პალესტინის ჯანდაცვის სამინისტრო ავრცელებს, რომელსაც ჰამასი აკონტროლებს.
  • ომმა 2136 ქალი და 480 ასაკოვანი ადამიანი იმსხვერპლა.
  • მსოფლიოს ჯანდაცვის ორგანიზაცია აცხადებს, რომ ელექტროენერგიის არქონის გამო, ღაზის საავადმყოფოები ფუნქციონირებას ვეღარ ახერხებენ.

მსგავსი თემა: როგორ ითვლიან, რამდენი ადამიანი იღუპება ღაზაში