რა ხდება? საქართველოს პრემიერ-მინისტრი ირაკლი ღარიბაშვილი სომხეთის რესპუბლიკის პრემიერ-მინისტრს, ნიკოლ ფაშინიანს შეხვდა.

რაზე ისაუბრეს? მთავრობის ადმინისტრაციის ცნობით, შეხვედრაზე საუბარი იყო:

  • საქართველოსა და სომხეთს შორის არსებულ ურთიერთობებზე;
  • რეგიონული თანამშრომლობის საკითხებზე;
  • რეგიონში მშვიდობისა და სტაბილურობის მხარდაჭერის აუცილებლობაზე;
  • ეკონომიკურ სფეროში თანამშრომლობის საკითხებზე;
  • ქვეყნებს შორის მჭიდრო სავაჭრო და ეკონომიკური კავშირების შემდგომი განვითარების მნიშვნელობაზე;
  • სამომავლო თანამშრომლობის პერსპექტივებზე.
  • ყურადღება გამახვილდა თბილისის აბრეშუმის გზის ფორუმის მნიშვნელობაზე – "აღინიშნა, რომ ფორუმზე წარმართული დისკუსიები სამომავლოდ უფრო ღრმა თანამშრომლობისთვის მყარ ნიადაგს შექმნის", — წერია პრეს-რელიზში.

ნიკოლ ფაშინიანი საქართველოში ჩამოვიდა დღეს და "თბილისის აბრეშუმის გზის ფორუმს" ესწრება.