2 მარტს გიორგი მარგველაშვილმა ხელი მოაწერა განკარგულებას სასჯელის სხვადასხვა ზომით მსჯავრდებულთა შეწყალების შესახებ. ინფორმაცია ჟურნალისტებს შეწყალების კომისიის თავმჯდომარემ ზვიად ქორიძემ გააცნო:

"შეწყალებულია 155 მსჯავრდებული, რომელთაგან 105 პირი, მათ შორის 8 ქალბატონი საპატიმრო სასჯელისგან გათავისუფლებულია და ისინი დღეს დატოვებენ საპატიმრო დაწესებულებას. 50 მსჯავრდებულის, მათ შორის ერთი არასრულწლოვანის და ერთი ქალბატონის სასჯელი კი შემცირებულია სხვადასხვა ფორმით".

ქორიძეს თქმით, საქართველოს პრეზიდენტმა ეს გადაწყვეტილება შეწყალების საქმეთა კომისიის 21-23 თებერვლის სხდომის შედეგად ჩამოყალიბებული რეკომენდაციების საფუძველზე მიიღო. სხდომაზე კომისიამ სულ 1178 პირის საქმე განიხილა.