ოსკარის მფლობელ ამერიკელ მსახიობსა და პროდიუსერს, ედრიენ ბროუდის, ლოკარნოს კინოფესტივალზე საპატიო ჯილდოს გადასცემენ.

ედრიანმა კარიერა 1980-იანი წლების მიწურულს, ამერიკულ სატელევიზიო ფილმებში თამაშით დაიწყო, მისი დებიუტი შედგა ფილმში New York Stories, რომელიც სამი რეჟისორის, ფრენსის ფორდ კოპოლას, ვუდი ალენისა და მარტინ სკორსეზეს ნოველებს აერთიანებდა. შემდეგ გამოჩნდა ხუან ხოსე კამპანელასა და სტივენ სოდერბერგის ფილმებში. პირველი მთავარი როლი მსახიობმა 1995 წელს, ერიკ ბროსის ფილმში Ten Benny შეასრულა. საქვეყნო აღიარება ედრიანს რომან პოლანსკის, 2002 წელს გადაღებულმა ფილმმა, The Pianist მოუტანა, რომლისთვისაც მსახიობმა ოსკარი მიიღო, გარდა ამისა ამ ფილმის წყალობით ედრიანი გახდა პირველი ამერიკელი მსახიობი, რომელმაც ფრანგული კინოს უმაღლესი ჯილდო სეზარი მიიღო.

ლოკარნოს კინოფესტივალი 2017 წლის 16 აგვისტოს დაიწყება.