ხაზარაძე: მოვითხოვთ, ეროვნული ბანკის საბჭომ განმარტოს, რა პირობებში მიიღეს ეს გადაწყვეტილება

20 Sep. 2023, 11:50

ქალბატონი თურნავა თავისი გადაწყვეტილებით პრაქტიკულად ასრულებს ბიძინა ივანიშვილის და რუსეთის დავალებას ჩვენი ქვეყნის დამოუკიდებელი ინსტიტუტის ნგრევის პროცესისთვის. ეს არის ძალიან დიდი ზიანი და ძალიან დიდი საფრთხე იმისათვის, რომ ჩვენმა საერთაშორისო პარტნიორებმა საბანკო სისტემას დაუწესონ სერიოზული სანქციები. მე ვისურვებდი, რომ მსგავსი რამ არ მოხდეს და დარწმუნებული ვარ, რომ საქართველოს საბანკო სისტემას ჩვენი საერთაშორისო პარტნიორები სანქციების არ დაუწესებენ, მაგრამ საშიშროება გააჩინა ამ გადაწყვეტილება.

მე და ჩვენი პარტია მოვითხოვთ, რომ ეროვნული ბანკის საბჭო გამოვიდეს და განმარტოს , რა პირობებში მიიღეს ეს გადაწყვეტილება. რა ზემოქმედება მოახდინეს, როცა 2 დღის განმავლობაში, ჯერ ერთი გადაწყვეტილება მიიღეს სანქციასთან შეერთებაზე და 24 საათში მის გაუქმებაზე. 24 საათში ასეთი გადაწყვეტილებები არ იცვლება. ჩვენ გვაინტერესებს დეტალები და ისინი უნდა განმარტოს ეროვნულმა საბჭომ.

ბოლო ამბები: