თუ მოსაწყენი, ერთფეროვანი დოკუმენტური ფილმები და სერიალები მოგბეზრდა, ნება მოგვეცი, წარმოგიდგინოთ ფილომენა ქანკი. მისი ვიდეოები ბოლო პერიოდში აუცილებლად შეგხვდებოდა სხვადასხვა სოციალურ ქსელში. ეს გამოგონილი რეპორტიორი, რომელსაც მსახიობი დაიან მორგანი ასახიერებს, BBC-ის კომედიური დოკუმენტური სერიალის Cunk on Earth-ის მთავარი გმირია.

შოუს პრემიერა 2022 წელს შედგა და მას შემდეგ ფილომენამ უამრავი ფანი შეიძინა. იგი მსოფლიოში მოგზაურობს და სხვადასხვა სფეროს ექსპერტებს ესაუბრება. საუბარიცაა და საუბარიც — ქანკი სრულიად სერიოზულად უსვამს ისეთ აბსურდულ შეკითხვებს, რომ შეუძლებელია, სიცილი შეიკავო. მით უმეტეს, რომ ამ შეკითხვებს მისი რესპონდენტი ექსპერტებიც სრული სერიოზულობით უდგებიან. ამიტომ, გადავწყვიტეთ, შოუდან რამდენიმე გენიალურად აბსურდული ფრაზისა და შეკითხვისთვის ერთად მოგვეყარა თავი.

1. "თუ მაიმუნებისგან წარმოვიშვით, მაიმუნები რატომ არსებობენ ისევ?"

ფოტო: Tenor

2. "ეგვიპტელებს მიაჩნდათ, რომ ყველაზე მნიშვნელოვანი, რისი გაკეთებაც შეგიძლია ცხოვრებაში, სიკვდილია"

ფოტო: Tenor

3. "იესო იმიტომ მოკლეს, რომ ხალხს არ მოსწონდა, რასაც იგი ამბობდა. ამდენად, შეგვიძლია თუ არა, მას ხაზგადასმის კულტურის (Cancel Culture) პირველი მსხვერპლი ვარსკვლავი ვუწოდოთ?"

ფოტო: Tenor

4. "კულტურაში რომელი უფრო გარდამტეხი მოვლენა იყო, რენესანსი თუ ბიონსეს Single Ladies?"

ფოტო: Tenor

5. "პირამიდებს ასეთი ფორმა რატომ აქვთ, უსახლკაროებმა რომ არ დაიძინონ ზედ?"

ფოტო: Tenor

6. "ბერძენმა ფილოსოფოსებმა ცხოვრების შესახებ ახალი და თამამი თეორიები ჩამოაყალიბეს. სწორედ ამიტომ ვიცით მათი სახელები დღეს, იმის მიუხედავად, რომ საუკუნეებია, აღარაფერი დაუწერიათ"

ფოტო: Tenor

7. "არისტოტელემ რამდენი ჭკვიანური რამე თქვა, არა? ჩემი საყვარელი ისაა, იცეკვე ისე, თითქოს არავინ გიყურებსო"

ფოტო: Tenor

8. "როგორც ყოველთვის, ეკლესიაში არავინ დაგვხვდა. ალბათ იმიტომ, რომ სტარბაქსივით კარგი ვაი-ფაი არ აქვთ"

ფოტო: Tenor

9. "შექსპირისდროინდელი და დღევანდელი სკოლა სრულიად განსხვავდება ერთმანეთისგან. რეალურად, მაშინ უფრო ადვილი იყო, რადგან შექსპირი არ ჰქონდათ სასწავლი"

ფოტო: Tenor

10. "საიდან იცოდნენ შუა საუკუნეებში, რომ შუაში იყვნენ?"

ფოტო: Tenor