ლელო ღარიბაშვილზე: ჩვენ ვიწყებთ იმპიჩმენტის პროცედურებს და მოვუწოდებთ ყველას, შემოუერთდეს

10 Sep. 2023, 15:18

როგორც ვიცით, და როგორც აბსოლუტურმა უმრავლესობამ ალბათ გუშინ ვნახეთ ტელეკოპანია პირველის ეთერით, ნოდარ მელაძის საგამოძიებო საავტორო ჟუნრალისტური გადაცემის შესაბამისად, ვიხილეთ უკვე დადასტურებული ფაქტი იმ აღვირახსნილი ქმედებისა, რასაც ჰქვია საქართველოს მთავრობის, და ამ შემთხვევაში, კონკრეტულად, საქართველოს პრემიერმინისტრის პირდაპირ, სახელმწიფო ბიუჯეტის სახსრების საკუთარი ნებით, საკუთარი სურვილისამებრ, საკუთარი ინტერესებისამებრ გამოყენება.

ეს არის პირდაპირ სისხლის სამართლის სავარაუდო დანაშაული. აქ საქმე გვაქვს ჩვენ სამსახურეობრივი უფლებამოსილების ბოროტად გამოყენებასთან და როდესაც გუშინ ეს გადაცემა გადიოდა ეთერში, რომელიც სავსეა მტკიცებულებებით, უნდა დაწყებულიყო გამოძიება და საქართველოს გენერალურ პროკურატურაში უკვე დაწყებულიც უნდა იყოს გამოძიება, უნდა იყოს გავრცელებული ინფორმაცია გამოძიების დაწყების შესახებ და მიმდინარეობდეს შესაბამისი პროცედურები.

ლელომ მიიღო გადაწყვეტილება, დაიწყოს იმპიჩმენტის პროცედურები პრემიერმინისტ ღარიბაშვილის სავარაუდო დანაშაულის ჩადენასთან დაკავშირებით. ჩვენ ვიწყებთ იმპიჩმენტის პროცედურებს და მოვუწოდებთ ყველას, ვისთვისაც სულერთი არ არის ამ ქვეყანაში იქნება თუ არა კორუფცია, რომ შემოუერთდეს [იმპიჩმენტის პროცედურებს]. ლელო ამისათვის ყველაფერს გააკეთებს.

ბოლო ამბები: