დიდი ბრიტანეთის პოლიციამ სოციალურ ქსელში ფოტო გამოაქვეყნა, რომელშიც მანქანაში ცისფერ პერანგში გამოწყობილი ძაღლი ზის. პოლიციელებმა ძაღლი დროებით თავშესაფარში გადაიყვანეს.

მათ ცუგა მას შემდეგ წამოიყვანეს, რაც განყოფილებაში შევიდა შეტყობინება, რომ არაფხიზელ მდგომარეობაში მყოფი მეპატრონე ძაღლს შესაბამისად ვერ უვლიდა. პოლიციელებმა ძაღლს მატარებლის სადგურზე მიაკითხეს და დროებით თავშესაფარში წაიყვანეს.

ცისფერ პერანგში გამოწყობილი ძაღლის ფოტო პოლიციის მანქანიდან ინტერნეტში ვირუსულად გავრცელდა. ზოგიერთი ადამიანი მის ჩაცმულობას მთვრალ მეპატრონეს აბრალებს, ზოგიერთმა ინტერნეტმომხმარებელმა კი პოლიციელებს ისიც ჰკითხა, ძაღლი ფოტოსთვის სპეციალურად ხომ არ გამოაწყვეს. პოლიციის თქმით, "დარწმუნებით ამბობენ, რომ მოდის წინაშე დანაშაული თავად არ ჩაუდენიათ".

ფოტო: BBC

ძაღლი თავშესაფარში მანამდე დარჩება, სანამ მას პატრონი არ მიაკითხავს.