Victoria’s Secret მალე ახალი კოლექციის, სახელად The Icon-ის, გამოშვებას გეგმავს. უკვე ცნობილია, რომ ბრენდმა ახალი კოლექციის სახეებად ყველასთვის კარგად ნაცნობი მოდელები დაიქირავა. კამპანიის ფარგლებში ბრენდის სახეები ჟიზელ ბიუნდჰენი, ადრიალა ლიმა, ნაომი კემპბელი და ქენდის სვეინპოლი იქნებიან.

ბიუნდჰენი, ლიმა და სვეინპოლი Victoria’s Secret-ის მოდელები წლების განმავლობაში იყვნენ და არაერთი კოლექცია წარუდგენიათ. 2021 წლიდან კი Victoria’s Secret-მა რებრენდინგი დაიწყო და ბევრი ცნობილი სახე ახლით ჩაანაცვლა.

ფოტო: Victoria's Secret

ახალი კამპანიისთვის გადაღებული შავ-თეთრი ფოტოები ბრენდმა უკვე გაავრცელა. ძველ სახეებთან ერთად კამპანიაში Victoria’s Secret-ის სხვა მოდელებსაც ვიხილავთ. კამპანიის სახეები ჰეილი ბიბერი, ემილი რატაკოვსკი, ადუტ აკეჩი და პალომა ელსესერიც იქნებიან.

შეგახსენებთ, რომ Victoria's Secret-ის შოუები 1995 წლიდან დაიწყო. შემცირებული სატელევიზიო რეიტინგისა და გაზრდილი კრიტიკის ფონზე ბრენდმა 2018 წლის შემდეგ რამდენიმე შოუ გააუქმა. ცოტა ხნის წინ გავრცელებული ინფორმაციით კი, 2023 წლის შემოდგომაზე დიდხნიანი პაუზის შემდეგ Victoria's Secret-ის შოუ ისევ ჩატარდება.