საპარლამენტო უმრავლესობის ლიდერმა არჩილ თალაკვაძემ, ინგა გრიგოლიას გადაცემაში საუბრისას განაცხადა, რომ კახა კალაძე, მერად არჩევის შემთხვევაში, თბილისს ტრადიციულ მაგრამ ახალ, ევროპულ ქალაქად აქცევს:

"კახას აქვს კავშირი საზოგადოების პრაქტიკულად ყველა ჯგუფთან, ის არის წარმატებული სპორტსმენი, ის ელაპარაკება ახალგაზრდობას, ის მუშაობს და ჩართულია სხვადასხვა რეფორმებში, ის არის ნოვატორი მინისტრი, რომელმაც ქარის ელექტროსადგურების პროგრამა დანერგა, ის არის უშუალო ადამიანი, რომელიც ფეხით დადის, რომელიც თვითონ მართავს საკუთარ მანქანას, რომელიც უშუალოდ ეკონტაქტება ყველას, ის არის კარგი მამა, კარგი ოჯახის პირობებში, სამი შვილის მამა, მას ჰყავს შესანიშნავი მეუღლე, ადამიანი, რომელმაც იცხოვრა ევროპაში, საკუთარი შრომით ევროპაში გახდა ერთ-ერთი საუკეთესო, გახდა ვარსკვლავი, ამიტომ, ვინ თუ არა კახა კალაძე, ძალიან კარგად იცის რას ნიშნავს შრომა, რას ნიშნავს სიმდიდრე, რას ნიშნავს ევროპული სტანდარტები. ის თავის ხელფასს".

მმართველი პარტია ქართული ოცნება თბილისის მერობის კანდიდატს ხვალ წარადგენს. ინგა გრიგოლიას ინფორმაციით, კახა კალაძის წარდგენას ბიძინა ივანიშვილი არ დაესწრება.