რატომ არის მნიშვნელოვანი: უწყების ცნობით, გამოძიებით დადგინდა, რომ ბრალდებულებმა დანაშაულებრივი ქმედების ჩადენის გაადვილების მიზნით, მეტი დამაჯერებლობისთვის, პროკურატურის თანამშრომლების სახელით ისარგებლეს.

  • მათ დაზარალებულებს დიდი ოდენობით თანხა გამოსძალეს.

დეტალები: როგორც პროკურატურაში აცხადებენ, დაზარალებულებს, მათ შორის, უცხო ქვეყნის მოქალაქეს, ნდობის მოპოვების მიზნით ყალბი ინფორმაცია მიაწოდეს.

  • "თითქოსდა სახელმწიფოს კუთვნილი მიწის ნაკვეთის საინვესტიციო პირობებით საკუთრებაში გადაცემა შეეძლოთ".
  • ასევე, უზრუნველყოფდნენ საქართველოს მოქალაქეობის საკითხის მოგვარებას, რის სანაცვლოდაც, დანაშაულებრივი ჯგუფის წევრები დაზარალებულთა თანხას — 50 000 ლარს და 30 000 დოლარს მოტყუებით დაეუფლნენ.