რატომ არის მნიშვნელოვანი: 15 ივლისს პრიმაკოვის ცენტრის ხელმძღვანელმა, დიმიტრი ლორთქიფანიძემ რუსულენოვან მედიას უთხრა, რომ საქართველოში რუსულ-ქართული უნივერსიტეტი იხსნება.

  • პრორუსი ლორთქიფანიძის თქმით, უნივერსიტეტში სწავლა უფასო იქნება, რადგან ხარჯებს რუსეთის ფედერაცია დაფარავს.
  • ასევე, ამბობდა, რომ ამ ეტაპზე, უნივერსიტეტის ასაშენებლად შესაფერი ადგილს ეძებენ.

განათლების სამინისტროში აცხადებენ, რომ საქართველოში რუსეთის დაფინანსებით რუსულ-ქართული უმაღლესი საგანმანათლებლო დაწესებულების გახსნაზე ინფორმაცია სიმართლეს არ შეესაბამება.

  • მათივე თქმით, უნივერსიტეტის გახსნის მოთხოვნით განათლების ხარისხის განვითარების ეროვნულ ცენტრში განცხადება არ შესულა.
  • "სრული პასუხისმგებლობით ვაცხადებთ, რომ მსგავსი სასწავლებლის გახსნასთან დაკავშირებით საქართველოს საგანმანათლებლო სისტემაში არანაირი პროცედურა არ მიმდინარეობს".
  • უწყებაში ამბობენ, რომ ეს დეზინფორმაციაა, რაც საზოგადოების შეცდომაში შეყვანასა და განათლების სისტემისა და ხელისუფლების მიზანმიმართულ დისკრედიტაციას ემსახურება.