ბევრი ადამიანისთვის უძრავ ქონებაში ინვესტიციის ჩადება სახლის, ან კომერციული ფართის ყიდვასთან ასოცირდება. ერთი შეხედვით ასე არ ჩანს, მაგრამ ქონების ყიდვა და შემოსავლის მიღების მიზნით მისი გაქირავება დიდ ძალისხმევას მოითხოვს. იმისათვის, რომ გაქირავების პროცესი კარგად მართო და მაქსიმალური სარგებელი მიიღო, ბევრი დრო და ენერგია უნდა დახარჯო.

ამის პარალელურად, უძრავი ქონების სექტორში ფულის ჩადება კონკრეტული კომპანიებისა თუ ფონდების აქციების ყიდვითაც შეგიძლია. ამ საქმეში გამოცდილი ადამიანები ამბობენ, რომ საკუთარი კაპიტალის დაბანდების ერთ-ერთ საუკეთესო მაგალითი სწორედ უძრავი ქონების საინვესტიციო ფონდებში (REIT) ინვესტირებაა.

REIT-ს საინვესტიციო ფონდის მსგავსი სტრუქტურა აქვს და ინვესტორებისთვის უძრავი ქონების ხელმისაწვდომობასა და პორტფელის დივერსიფიცირების შესაძლებლობას იძლევა.

როგორც წესი, REIT-ები დივიდენდებს იხდიან, რადგან მათ მიმართ არსებობს მოთხოვნა, წმინდა შემოსავლის სულ მცირე 90% გასცენ დივიდენდების სახით. თუ ეს კომპანიები ამ მოთხოვნებს დააკმაყოფილებენ, ისინი გარკვეული გადასახადებისგან თავისუფლდებიან.

ბოლო ტენდენციების მიხედვით, ანალიტიკოსები ამ REIT-ებით დაინტერესებას გვირჩევენ:

American Tower Corp. (AMT) — ეს ამერიკული უძრავი ქონების საინვესტიციო ფონდია, რომელიც უკაბელო და სამაუწყებლო საკომუნიკაციო ინფრასტრუქტურას მსოფლიოს რამდენიმე ქვეყანაში ფლობს და მართავს. ანალიტიკოსები გრძელვადიანი საინვესტიციო პროდუქტით დაინტერესებულ ადამიანებს ურჩევენ, რომ AMT-ს ყურადღება მიაქციონ. კომპანიის საბაზრო კაპიტალიზაცია 86,05 მილიარდი დოლარია. ბოლო მონაცემებით, მისი ერთი აქცია 193,23 დოლარად ივაჭრება.

Public Storage (PSA) არის კომპანია, რომელიც მომხმარებელს ეგრეთ წოდებული პირადი საცავის სერვისს სთავაზობს. აქ საუბარია ისეთ სივრცეებზე, რომლებსაც ადამიანები პირადი ნივთების შესანახად ქირაობენ. ანალიტიკოსები ამბობენ, რომ აშშ-ში ეს ინდუსტრია რეცესიის მიმართ ისტორიულად მდგრადია და ვარაუდობენ, რომ მასზე მოთხოვნა, სხვადასხვა ფაქტორის გათვალისწინებით, კვლავ მაღალ ნიშნულზე შენარჩუნდება. კომპანიის ზომა 50,81 მილიარდი დოლარია. არსებული მონაცემებით, Public Storage-ის ერთ აქციას 288,33 დოლარად შეიძენთ.

Simon Property Group Inc. (SPG) — ეს არის ამერიკული უძრავი ქონების საინვესტიციო ფონდი, რომელიც ინვესტიციას სავაჭრო ცენტრებში, აუთლეტ სივრცეებსა და ეგრეთ წოდებული ღია ტიპის სავაჭრო ადგილებში ახორციელებს. როგორც ცნობილია, Simon Property Group აშშ-ში სავაჭრო ცენტრების უმსხვილესი მფლობელია. ბოლო მონაცემებით, კომპანიის საბაზრო კაპიტალიზაცია 40,47 მილიარდი დოლარია. მისი ერთი აქცია კი 123,00 დოლარად ივაჭრება.

ამ საქმის ექსპერტები ამბობენ, რომ უძრავ ქონებაში ინვესტიციამ და მისმა სწორმა მართვამ შესაძლებელია, დიდი წარმატება მოგიტანოს. მათი თქმით, ამ სექტორში ფულის ჩადება ისეთი დივერსიფიცირებული პორტფელის შექმნაში დაგეხმარება, რომელიც ბაზრის რყევებისგან დაცული იქნება.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა D>riveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.