პრემიერ-მინისტრმა, გიორგი კვირიკაშვილმა განაცხადა, რომ მან ოფიციალური ვიზიტის დროს, პირადად მოიწვია აშშ-ის ვიცე-პრეზიდენტი საქართველოში. მისი შეფასებით, მაიკ პენსის ვიზიტი არის აშშ-ის მხარდაჭერის მკაფიო გამოხატულება საქართველოს მიმართ.

მისივე განცხადებით, მთავრობამ მოახერხა და ახალი ადმინისტრაციის მოსვლის პირველივე დღიდანვე, ყველაზე მაღალი დონის კონტაქტები დაამყარა აშშ-ის ახალ ადმინისტრაციასთან:

"ჩვენ გვიხარია, რომ სამ ქვეყანას შორის, რომელიც ვიცე-პრეზიდენტმა აირჩია ვიზიტისთვის, ეს გახლავთ ესტონეთი, საქართველო და მონტენეგრო, საქართველო არის როგორც შტატების უმნიშვნელოვანესი პარტნიორი".

31 ივლისსა და პირველ აგვისტოს საქართველოში ამერიკის შეერთებული შტატების ვიცე-პრეზიდენტის, მაიკ პენსის ვიზიტი შედგება.