2022 წელს დაარსებული, დღეისათვის უკვე ცნობილი არტიზანული საცხობი — ბატონები თიბისის მხარდაჭერით ერთი წლის თავზე ახალ ექსპრეს ფილიალებს ხსნის, რომელშიც არსებული საწარმოც იქნება ინტეგრირებული.

ბატონების დამფუძნებლის, დავით თედიაშვილის თქმით, მრავალწლიანი გამოცდილების შემდეგ არტიზანული საცხობის გახსნა გადაწყვიტეს, რომელიც უკვე ევროპის ბევრ ქვეყანაში სარგებლობს მომხმარებლის დიდი სიყვარულით.

"პურის წარმოებაში მრავალწლიანი გამოცდილების შემდეგ, გაჩნდა იდეა, გაგვეხსნა არტიზანული საცხობი, რომელიც ევროპის ბევრ ქვეყანაში მომხმარებლის დიდი სიყვარულით სარგებლობს. კონცეფცია თავიდანვე ხარისხიანი პროდუქტის წარმოება და დახვეწილი, მყუდრო სივრცის შექმნა იყო ყველა ფენისა თუ ტიპის მომხმარებლისთვის. შესაბამისად, ყველა დეტალზე დიდხანს და ყურადღებით ვიმსჯელეთ, ადგილი "ტრაფიკის" დათვლის შემდეგ საგულდაგულოდ შევარჩიეთ და შიდა და გარე სივრცეებიც პროფესიონალების დახმარებით მოვაწყეთ".

გამომდინარე იქიდან, რომ თავიდანვე მაღალი ხარისხის შექმნას ისახავდნენ მიზნად, პირველი ობიექტი ერთი წლის განმავლობაში დონაციაზე ჰყავდათ, რის შემდეგაც გაფართოება გადაწყვიტეს და თიბისის მიმართეს.

"მივმართეთ არამხოლოდ საქართველოში, არამედ ამიერკავკასიაში ნომერ პირველ ბანკს — თიბისის. თიბისის და პროექტის — აწარმოე საქართველოში დახმარებითა და მხარდაჭერით დავიწყეთ გაფართოებაზე ზრუნვა. დღეისათვის 2 ახალი ფილიალი მზადაა გასახსნელად, მესამისთვის კი ლოკაციას ვეძებთ. აქედან 3 ექსპრეს-ფილიალია, მეოთხე კი, რომელიც მალე სოლოლაკში, ლეონიძეზე გაიხსნება, საწარმოსაც მოიაზრებს", — აღნიშნავს დავითი.

დასაწყისში მხოლოდ პურის წარმოებაზე იყვნენ ორიენტირებული და უმაღლესი ხარისხის ქართული ფქვილითა და ორგანული საფუარით აცხობდნენ, მალევე დაამატეს ფუნთუშეულის გრანგული და საკონდიტრო ნაწარმის ფრანგულ-ქართული ხაზი, ამის შემდეგ კი სამზარეულო კიდევ უფრო გააფართოეს.

"დღეისათვის მომხმარებელს რამდენიმე სახეობის თეთრ და შავ პურთან ერთად, ვთავაზობთ საკუთარი წარმოების სენდვიჩებს, სალათების ნაირსახეობებს, ხემსის, ყველის, ხორცის დაფებს, წვნიან კერძებს და დესერტების მრავალფეროვან არჩევანს. ჩვენი ყველა პროდუქტი ორგანული, ძირითადად ადგილობრივ ბაზარზე შეძენილი ნედლეულით მზადდება. რადგან ხარისხი ჩვენი ორიენტირია, გვაქვს მხოლოდ პრემიუმ ხარისხის, იტალიური, Lucaffe-ს ბრენდის ყავა და საკუთარი წარმოების, ორგანული ჩაი — მასკოტი. ასევე საკუთარი წარმოების ღვინო — ვაზის კალამი, ფრეშები, კომპოტები და ლიმონათები", — ამბობს დავითი.

დავითის თქმით, მათ მიერ წარმოებულ პურ-ფუნთუშეულს თუ ნამცხვრებს სიჯანსაღის გარდა, დახვეწილი, ორიგინალური დიზაინიც გამოარჩევს, რამაც ერთგული მომხმარებლების მოზიდვას შეუწყო ხელი.

"ყველაფერი ერთად იმის საფუძველია, რომ ერთ წელიწადში უკვე უამრავი მუდმივი მომხმარებელი გვყავს და გვაქვს რამდენიმე ფილიალი, რომელშიც 43 ადამიანია დასაქმებული. მომავალი წლისთვის ვგეგმავთ ბატონების კიდევ 10 ექსპრეს-ფილიალის დამატებას, რომლებსაც მთლიანად საკუთარი წარმოების პროდუქციით მოვამარაგებთ".