ბაზისბანკი ელვარეს დაფუძნების დღიდან მისი აქტიური მხარდამჭერი და ფინანსური პარტნიორია. ელვარე აწარმოე საქართველოში პროგრამის ფარგლებში შეიქმნა და საქართველოში დამზადებულ ელექტრო კაბელებს აწარმოებს.

ელვარე არის პირველი საწარმო, რომელმაც მიიღო CE მარკირება, რაც ევროპული ხარისხის დადასტურებაა და IEC-ს საერთაშორისო სტანდარტებთან პროდუქციის შესაბამისობის დამადასტურებელი სერტიფიკატები. კომპანია არის რეგიონში RoHS სერტიფიკატის მფლობელი კაბელის მწარმოებელი პირველი კომპანია.

ელვარეს ჩამოყალიბების და განვითარების ისტორია არის როგორც ბაზისბანკის, ასევე სახელმწიფოსა და ბიზნესის ურთიერთთანამშრომლობის გამორჩეული მაგალითი.

"ბაზისბანკთან მჭიდრო პარტნიორობამ და მათი გუნდის მუდმივმა მხარდაჭერამ შესაძლებლობა მოგვცა, ფაქტობრივად ნულიდან შექმნილიყო ჩვენი საწარმო თანამედროვე ტექნოლოგიური საწარმოო ხაზებითა და დანადგარებით. დღესდღეობით გვაქვს წარმოება, სადაც კომპიუტერული ავტომატიზირებული სისტემები აკონტროლებენ პროცესს მილიმეტრის მეასედის სიზუსტით. ბაზისბანკი ყოველთვის ხელს უწყობდა ელვარეს განვითარებას და ერთად კიდევ ბევრ მნიშვნელოვან პროექტს განვახორციელებთ", — ამბობს ენ ერ ჯი ჯორჯიას გენერალური დირექტორი, მამია მოცრაძე.

"ბაზისბანკი ელვარეს დაფუძნების დღიდან მისი აქტიური მხარდამჭერია. კომპანიის მენეჯმენტის თავდაუზოგავი შრომითა და ბანკის ჩართულობით შევქმენით თანამედროვე, მაღალტექნოლოგიური დანადგარებით აღჭურვილი საწარმო, რომლის მიერ წარმოებული ელექტრო კაბელი სრულად არის შესაბამისობაში საერთაშორისო სტანდარტებთან. ელვარეს პროდუქციის ფართო ასორტიმენტი, მაღალტექნოლოგიური წარმოება და მენეჯმენტის უკომპრომისო ერთგულება ხარისხის მიმართ, უზრუნველყოფს კომპანიის წარმატებას ადგილობრივ ბაზარზე და ქმნის საერთაშორისო ბაზარზე განვითარების მყარ საფუძველს", — აღნიშნავს ბაზისბანკის კომერციული დირექტორი, გიგი გაბუნია.

ბაზისბანკის და ელვარეს პარტნიორობის ვიდეო ისტორია: