ილინოისელი კაცი, რომელმაც კოშმარის ნახვისას შემთხვევით იარაღი გაისროლა, ჯერ საავადმყოფოში, შემდეგ კი ციხეში აღმოჩნდა. როგორც მარკ დირაკა იხსენებს, იმ ღამით კოშმარი ნახა და ესიზმრებოდა, რომ სახლში მძარცველები შემოიჭრნენ და მათგან თავს იცავდა. რეალურად კი, მარკი სიზმარში იყო და იარაღით შემთხვევით საკუთარი თავი დაიზიანა.

ცეცხლსასროლი იარაღის ხმამ და ტკივილმა მარკი გამოაფხიზლა და მიხვდა, რომ ეს ყველაფერი სიზმარი იყო, თუმცა ნაკლები კოშმარი არც რეალობაში მოაკლდა. შემთხვევის ადგილზე პოლიცია მაშინვე მივიდა და მარკი საავადმყოფოშიც გადაიყვანეს, თუმცა მალევე გაირკვა, რომ ცეცხლსასროლ იარაღს მარკი უკანონოდ ატარებდა.

ცეცხლსასროლი იარაღის ტყვიას მარკის მეზობლები არ დაუშავებია. გამოძიებამ კი დაადგინა, რომ მარკი ფლობდა და იყენებდა რევოლვერს იმის მიუხედავად, რომ ცეცხლსასროლი იარაღის მფლობელის საიდენტიფიკაციო ბარათი არ ჰქონდა, რომელიც ილინოისის შტატში სავალდებულოა. პოლიციის თქმით, მარკს ადრე ჰქონდა იარაღის ტარების უფლება მინიჭებული, თუმცა მოგვიანებით მისი ბარათი გაუქმდა.

გამოჯანმრთელების შემდეგ მარკს ცეცხლსასროლი იარაღის უკანონოდ ფლობისთვის ბრალი წაუყენეს და დააკავეს. მარკი 150,000 დოლარის ოდენობის გირაოს გადახდის შემდეგ გაათავისუფლეს, მისი სასამართლო პროცესი კი 29 ივნისს ჩატარდება.