რა მოხდა: დღეს, გორში ზურა ჯაფარიძეს უცნობი პირები თავს დაესხნენ.

  • გირჩი — მეტი თავისუფლების პრესსამსახურის ინფორმაციით, პარტიის ბანაკში ლექციის ჩასატარებლად მიმავალი ჯაფარიძე იმ დროს ავტომობილში მარტო იმყოფებოდა.
  • "ყველაფერი მოხდა ძალიან სწრაფად. ზურას დაზიანება აქვს თვალის არეში", — დაწერა ანა ყურაშვილმა.
  • გირჩი — მეტი თავისუფლების ლიდერი ამბობს, რომ თავს კარგად გრძნობს.
  • "არაფერი სანერვიულო. ამათი შეშინებულის დედას შევე*ი", — დაწერა ჯაფარიძემ.

დეტალები: სოციალური ქსელის მომხმარებელმა, სახელით Salut Salut, გაავრცელა პოსტი, სადაც ნათქვამია, რომ ზურა ჯაფარიძეს მისმა მეგობარმა, სოსო მაისურაძემ, სცემა და პოსტსაც ფეისბუქზე მისი სახელით აქვეყნებს.

  • "მოგესალმებით, მე ვარ სოსო მაისურაძე, გორელი კაცი. ჩემს მიერ იცემა ზურა ჯაფარიძე, იცემა ჩვენი შვილების გარყვნისათვის, იცემა პატრიარქის და ეკლესიის შეურაცხყოფისათვის და იცემა იმ საქციელისათვის, როდესაც შიშველი უკანალები აჩვენეს მტერს".

პოსტს გამოეხმაურა გირჩი — მეტი თავისუფლების ლიდერი, ზურაბ ჯაფარიძე.

  • "ქართული ოცნება / Georgian Dream, იცემა თქვენი რუსი დედა, თქვე ფარჩაკებო ვიდეო გექნებათ, დადეთ, ერთად ვნახოთ, ვინ იცემა", — დაწერა მან.

შსს: On.ge შინაგან საქმეთა სამინისტროს რამდენჯერმე დაუკავშირდა, თუმცა სამართალდამცავ უწყებაში კომენტარს ამ დრომდე არ აკეთებენ.

გარდა ამისა, დღეს აგრესიული პირები შეიჭრნენ სასტუმროს ტერიტორიაზე, სადაც პარტიის ბანაკი იყო შეკრებილი.

  • სოციალურ ქსელში გავრცელებულ კადრებში ისმის, რომ ძალადობრივი ჯგუფის წევრები ბანაკის წევრებს შეურაცხმყოფელი სიტყვებით მიმართავდნენ.
  • ვახტანგ ბარამაშვილს თქმით, ამ დროს ადგილზე მოზარდები და ორსულებიც იყვნენ.
  • "საათზე მეტია მივარდნილები არიან რადიკალური ჯგუფები. იგინებიან და ნივთებს, ქვებს ისვრიან. ისინი ცდილობენ შიგნით შეღწევას", — წერდა ის.
  • "მოეყარნენ "ოცნების" გამოგზავნილი ორკთა ჯგუფი, 40 კაცამდე, ისვრიან ქვებს, აგინებენ ზურა ჯაფარიძეს და ცდილობენ, შემოანგრიონ ჭიშკარი", — წერდა ლევან მოსე.
  • ადგილზე იმყოფებოდა პროსახელისუფლებო, პროპაგანდისტული POSTV, რომელმაც, პარტიის წევრების თქმით, ადგილზე სამართალდამცველებსაც მიასწრო და პრორუსი, ვატო შაქარაშვილი, რომელიც ჯაფარიძეზე თავდასხმას ირონიული პოსტით გამოეხმაურა.