დეტალები: გირჩი — მეტი თავისუფლების ცნობით, Institute For Individual Liberty-ის ბანაკთან 60-მდე აგრესიული პირია შეკრებილი.

  • სოციალურ ქსელში გავრცელებულ კადრებში ისმის, რომ ძალადობრივი ჯგუფის წევრები ბანაკის წევრებს შეურაცხმყოფელი სიტყვებით მიმართავენ.
  • ვახტანგ ბარამაშვილს თქმით, ბანაკში 16 წლის მოზარდები და ორსულები არიან.
  • "საათზე მეტია მივარდნილები არიან რადიკალური ჯგუფები. იგინებიან და ნივთებს, ქვებს ისვრიან. ისინი ცდილობენ შიგნით შეღწევას", — წერს ის.
  • "მოეყარნენ "ოცნების" გამოგზავნილი ორკთა ჯგუფი, 40 კაცამდე, ისვრიან ქვებს, აგინებენ ზურა ჯაფარიძეს და ცდილობენ, შემოანგრიონ ჭიშკარი", — წერს ლევან მოსე.
  • ადგილზე იმყოფება პრორუსი, ვატო შაქარაშვილი, რომელიც ჯაფარიძეზე თავდასხმას ირონიული პოსტით გამოეხმაურა და პროსახელისუფლებო, პროპაგანდისტული POSTV.

მანამდე გორში ზურა ჯაფარიძეს უცნობი პირები თავს დაესხნენ.

  • პარტიის პრესსამსახურის ინფორმაციით, ბანაკში მიმავალი ჯაფარიძე იმ დროს ავტომობილში მარტო იმყოფებოდა.
  • "ყველაფერი მოხდა ძალიან სწრაფად. ზურას დაზიანება აქვს თვალის არეში", — დაწერა მან.
  • გირჩი — მეტი თავისუფლების ლიდერი ამბობს, რომ თავს კარგად გრძნობს.
  • "არაფერი სანერვიულო. ამათი შეშინებულის დედას შევე*ი", — დაწერა მან.

გამოხმაურებები: მიმდინარე მოვლენებს სოციალურ ქსელში ეხმაურება დეპუტატი, თამარ კორძაია.

  • "ეს ძალადობა წლებია წახალისებული და მხარდაჭერილია ხელისუფლების მიერ", — დაწერა მან.
  • მომხდარში, ასევე, ხელისუფლებას ადანაშაულებს აქტივისტების გაერთიანება, ჯიუტი.
  • "ხელისუფლების დღევანდელი ქმედებები, რომელიც მოიცავს ძალადობის დაორგანიზებას, როგორც გირჩი — მეტი თავისუფლების ლიდერზე, ასევე, საბავშვო-საგანმანათლებლო ბანაკებზე, არის სრულიად რუსული ხელწერა", — აცხადებენ ისინი.
  • ჯაფარიძეს სოლიდარობას უცხადებს დეპუტატი, ხათუნა სამნიძე.
  • "ამ ძალადობას წლებია კვებავენ და მაინც ვერ გაიგეს, რომ არ იმუშავებს, არა", — დაწერა მან.
  • ლელოს წევრი, ბადრი ჯაფარიძე ფიქრობს, რომ ძალადობა "ოცნების" სპიკერების აგრესიულმა განცხადებებმა წაახალისა.
  • "როგორც ჩანს, "ქართული ოცნება" პირდაპირ იმეორებს წინამორბედი მმართველი ძალის ხელისუფლებაში ყოფნის ბოლო წლის პრაქტიკას. ჩვენ ყველამ ვნახეთ, რა შედეგით დამთავრდა ეს ყველაფერი არჩევნებზე. ასეთივე შედეგია გარდაუვალი "ქართული ოცნებისთვის", — დაწერა მან.
  • ყოფილი პრემიერმინისტრი, გიორგი გახარია ამბობს, რომ ხელისუფლებამ წარსულსა და მომავალს შორის არჩევანი გააკეთა.
  • "ოცნებამ, ისევე როგორც ნაციონალურმა მოძრაობამ, მმართველობის ბოლო წლებში, ძალაუფლების შენარჩუნების მიზნით ძალადობის წახალისება დაიწყო.
    ახლა უკვე ოცნების ხელისუფლებამ საქართველოს მომავალს ქვები დაუშინა".