დღეს, 7 ივნისს, სტამბოლში აფეთქება მოხდა. ადგილობრივი სააგენტო Hurriyet Daily News-ის ინფორმაციით, თავს პოლიციის ავტობუსს დაესხნენ, რის შედეგადაც სულ მცირე 5 ადამიანია დაშავებული. აღნიშნული ინფორმაცია ზუსტი არ არის, რადგან CNN Turk ინფორმაციას 14-მდე დაჭრილის შესახებ ავრცელებს, ბრიტანული გამოცემა Independent კი წერს, რომ თავდასხმას 2 ადამიანი ემსხვერპლა. დანაღმული ავტომობილი ისტორიულ უბანთან ახლოს იმ დროს აფეთქდა, როცა მას პოლიციელთა ავტობუსმა ჩაუარა.

აფეთქება პოლიციის განყოფილებასთან ახლოს, პიკის საათში მოხდა. პოლიციელები საკუთარი მოვალეობის შესასრულებლად ადგილობრივი უნივერსიტეტისკენ მიემართებოდნენ, სადაც დღეს გამოცდები უნდა ჩატარებულიყო. მომხდარის გამო, გამოცდები შეწყდა.

ჯერჯერობით, თურქეთის ხელისუფლებას ოფიციალური განცხადება არ გაუვრცელებია.