27 ივნისს, 10 საათზე, საკონსტიტუციო სასამართლო არსებითად განიხილავს საქართველოს მოქალაქე გიორგი ლოგუას კონსტიტუციურ სარჩელს.

გიორგი ლოგუა მიიჩნევს, რომ კანონი, რომელიც კრძალავს პორნოგრაფიის დამზადებას, გავრცელებას, რეკლამირებას, ან მისით ვაჭრობას, არაკონსტიტუციურია. მოსარჩელის მტკიცებით, სადავო ნორმა ეწინააღმდეგება საქართველოს კონსტიტუციით განმტკიცებულ ინფორმაციის და გამოხატვის თავისუფლების უფლებას. ლოგუას მოსაზრებით, პორნოგრაფიის წარმოება-გავრცელებისთვის პირი არ უნდა ისჯებოდეს.

მოსარჩელის განმარტებით, გასაჩივრებული ნორმა ბუნდოვანია, ვინაიდან საქართველოს კანონმდებლობა არ განსაზღვრავს პორნოგრაფიის ცნებას და იმას, თუ რა გზით არის შესაძლებელი ამგვარი ნაწარმოების კანონიერად დამზადება, გავრცელება, რეკლამირება, შენახვა ან/და ასეთი საგნით ვაჭრობა.