ძალისმიერ სამჭიდში მსოფლიო ჩემპიონატის მიმდინარეობის დროს, სავარაუდოდ, სპორტსმენები დაჭრეს. შინაგან საქმეთა სამინისტროს ინფორმაციით, დაჭრილია ორი ადამიანი.

სპორტსმენების დაჭრის შესახებ ინფორმაცია ტაბულამ, ევროპული საქართველოს დიდუბის მაჟორიტარობის კანდიდატზე დაყრდნობით, გაავრცელა. გამოცემის ინფორმაციით, აღმოსავლეთ ევროპის უნივერსიტეტში, ძალისმიერ სამჭიდში მსოფლიო ჩემპიონატის მიმდინარეობისას სპორტსმენებს შორის შელაპარაკება მოხდა, რაც დერეფანში ფიზიკურ დაპირისპირებაში გადაიზარდა.

ტაბულას ინფორმაციითვე, დაპირისპირების შედეგად ოთხი სპორტსმენი დაიჭრა, დამნაშავეები კი გაიქცნენ.

შინაგან საქმეთა სამინისტრო საქმეს "სისხლის სამართლის კოდექსის" 117-ე მუხლით (ჯანმრთელობის განზრახ მძიმე დაზიანება) იძიებს.