შოპინგი ბევრი ჩვენგანისთვის სასიამოვნო პროცესია, თუმცა ხშირად დაქანცულობით, უსასრულო რიგებში დგომითა და მძიმე ჩანთებით სრულდება. ონლაინ შოპინგის მეშვეობით კი, შეგიძლია, ნებისმიერ დროსა და ადგილას მოკალათდე, სხვადასხვა ნივთი დაათვალიერო და ბოლოს შეიძინო კიდეც. თუ ინტერნეტით სასურველი ნივთი შეარჩიე და ამ ეტაპზე თანხა არ გაქვს, არც ესაა პრობლემა, რადგან თიბისი განაწილებას ონლაინ შოპინგი დაემატა. ასე რომ, შეგიძლია სახლიდან იყიდო დღეს და გადაიხადო მერე.

რა არის განაწილება?

განაწილება თიბისის პროდუქტია, რომელიც საშუალებას გაძლევს იყიდო ახლა და გადაიხადო მერე. რაც მთავარია, განაწილებით სარგებლობისას არ გემატება რაიმე ტიპის საკომისიო ან საპროცენტო განაკვეთი, ასე რომ, იხდი ზუსტად იმდენს, რამდენიც ნივთი ღირს.

განაწილებით სარგებლობის პირობები შემდეგნაირია: შეძენილი ნივთის ღირებულება 4 ტოლ ნაწილად შეგიძლია გაყო ეფექტურ 0 %-ად. გარდა ამისა, თანხის პირველ ნაწილს ნივთის ყიდვისას კი არ იხდი, არამედ 10 დღის შემდეგ. როგორც ხედავ, განაწილების მეშვეობით საოცნებო ნივთი მაშინაც კი შეგიძლია შეიძინო, როცა თანხა საერთოდ არ გაქვს.

თიბისი განაწილებით სარგებლობას მას შემდეგ შეძლებ, რაც ლიმიტი დაგიმტკიცდება. ლიმიტის დამტკიცება თიბისის ციფრული ბანკის მეშვეობით სულ რამდენიმე წამშია შესაძლებელი. განაწილების ლიმიტი 100 ლარიდან 5000 ლარამდეა და იმის შესაძლებლობაც გაქვს, რომ რამდენიმე ნივთი ერთდროულად შეიძინო.

განაწილება და ონლაინ შოპინგი

ონლაინ შოპინგთან ერთად თუ განაწილებითაც ისარგებლებ, ორმაგი კომფორტი გელის: სასურველ ნივთს ნებისმიერი ადგილიდან შეიძენ და თანხას 4 ტოლ ნაწილად გაყოფ, თან გაძვირების გარეშე, ეფექტურ 0 %-ად. თუ შენთვის ტანსაცმელს ეძებ, ან მეგობრისთვის დაბადების დღის საჩუქრის ყიდვა დაგავიწყდა, ან სახლისთვის ტექნიკის შეცვლა სასწრაფოდ დაგჭირდა, განაწილების მეშვეობით პარტნიორ სავაჭრო ობიექტებში ონლაინ შეგიძლია იშოპინგო.

განაწილებით სარგებლობა პარტნიორ სავაჭრო ობიექტებში შეგიძლია, რომელთა სიაც მრავალფეროვანია. ტანსაცმელი, ფეხსაცმელი, ტექნიკა, აქსესუარები და სხვა კატეგორიის პროდუქტები 100-მდე პარტნიორ მაღაზიაში შეგიძლია შეიძინო, თან ისე, რომ სახლი არც კი დატოვო. პარტნიორი სავაჭრო ობიექტების სრული სიის ნახვა ამ ბმულზე შეგიძლია. სამომავლოდ ამ სიას დიდი მაღაზიები, სილამაზის სალონები, სასტუმროები და ესთეტიკური ცენტრებიც დაემატება.

31 აგვისტოს ჩათვლით, ვენდუზე განაწილებით გადახდისას 20%-იან ფასდაკლებას (მაქსიმუმ 100 ლარი) მიიღებ!