ინფორმაციას მოძრაობა დროას წევრი, თამთა გოგოლაძე ავრცელებს.

რატომ არის მნიშვნელოვანი: ყვარელში, სასტუმრო ყავრლის ტბასთან საპროტესტო აქცია დილიდან იმართება, სადაც ლავროვის სიძის, ალექსანდრ ვინოკუროვის ძმა, მიკა ვინო, იგივე მოშე ვინოკუროვი ქორწილს იხდის.

  • ადგილზე მობილიზებულები იყვნენ შინაგან საქმეთა სამინისტროს წარმომადგენლების დიდი რაოდენობა, მათ შორის, ნიღბიანი სამართალდამცავები.
  • ისინი ძალის გამოყენებით აკავებენ აქციის მონაწილეებს და ტერიტორიიდან გაჰყავთ.
  • ერთიანი ნაციონალური მოძრაობის წევრის, გიორგი მუმლაძის განცხადებით, უკვე დაკავებულია 15-მდე აქტივისტი, რომელთა ადგილმდებარეობის გარკვევასაც ცდილობენ.
  • შსს-ს ცნობით, ყვარელში ადმინისტრაციული წესით 16 ადამიანი დააკავეს.

დეტალები: თამთა გოგოლაძის თქმით, ისინი თელავის პოლიციასთან არიან, სადაც ჰყავთ დაკავებულები, მათ შორის ელენე ხოშტარია.

  • ამბობს, რომ 2 საათია ადვოკატებთან ერთად არის, თუმცა არ უშვებენ.
  • "არც გვეუბნებიან ვინ ჰყავთ აქ შემოყვანილო. ახლა ვიღაც უფროსი მოვარდა და გამოგვყარა შენობიდან ყვირილით", — წერს გოგოლაძე.