ინფორმაციას სამოქალაქო ავიაციის სააგენტო ავრცელებს.

რატომ არის მნიშვნელოვანი: მას შემდეგ, რაც ოკუპანტი ქვეყნის პრეზიდენტის, ვლადიმერ პუტინის განკარგულებით, რუსეთთან პირდაპირი ფრენები აღდგა, საქართველოში ფრენის სურვილი არაერთმა კომპანიამ გამოთქვა.

  • მათ შორის არის სანქცირებული რუსული კომპანიებიც, მაგალითად, აზიმუტი, რომელსაც ვებგვერდზე საქართველოს ოკუპირებული ტერიტორიები ცალკე სახელმწიფოებად ჰქონდა მონიშნული, კრიტიკის შემდეგ კი ჩამონათვალიდან წაშალა.

დეტალები: ავიაციის სააგენტოს ცნობით, Red Wings-ი სოჭი-თბილისი-სოჭისა და მოსკოვი-ქუთაისი-მოსკოვის საჰაერო ხაზებზე იწყებს ოპერირებას.

  • ფრენები 2 ივნისიდან, კვირაში 3-ჯერ, ყოველ ორშაბათს, ოთხშაბათსა და პარასკევს შესრულდება.

Red Wings: როგორც კომპანიის ვებგვერდზეა მითითებული, კომპანია 1999 წელს დაარსდა და დღეს რუსეთის ათი უმსხვილესი ავიაკომპანიიდან ერთ-ერთია.

  • Red Wings-ის მარშრუტების ქსელი შედგება 100-ზე მეტი რუსული და საერთაშორისო მიმართულებისგან.