წიგნის ფესტივალი ის მოვლენაა, რომელსაც კითხვის ყველა მოყვარული თუ ახალი აღმოჩენების მაძიებელი ელოდება ხოლმე. 25 მაისიდან 28 მაისის ჩათვლით თბილისის წიგნის საიუბილეო, 25-ე საერთაშორისო ფესტივალი გაიმართება, რომლის ციფრული პარტნიორი უკვე მეორე წელია, რაც VELI.store-ია.

ფესტივალი ტრადიციული მასშტაბითა და ფორმატით, ექსპო ჯორჯიას პავილიონებში უმასპინძლებს მკითხველებს. მე-11 პავილიონში წარმოდგენილი იქნება, როგორც ქართველი, ისე უცხოელი გამომცემლებისა და სხვადასხვა ორგანიზაციების მთავარი სტენდები, ხოლო მე-6 და მე-5 პავილიონებში თავმოყრილი იქნება საბავშვო წიგნები და მათთან დაკავშირებული საბავშვო აქსესუარები.

თბილისის წიგნის ფესტივალის ერთ-ერთი გამორჩეული ნაწილია ფოკუს ქვეყნის პროგრამა. წელს ფესტივალის ფოკუს ქვეყანა პოლონეთია. პოლონეთის პროგრამის ორგანიზატორია პოლონური ინსტიტუტი თბილისში.

ფოტო: VELI.store

ველი ფესტივალის ფარგლებში როგორც Expo Georgia-ს მე-11 პავილიონში, ისე საბავშვო კუთხეში იქნება წარმოდგენილი, სადაც სტენდთან მოსული ადამიანები საინტერესო აქტივობებში მონაწილეობის მიღებასა და მრავალფეროვანი საჩუქრების აღმოჩენასაც შეძლებენ. Მათ შორის ცნობილი ქართველი მწერლების ღია ბარათების, ველის ვაუჩერებისა და სხვადასხვა ორიგინალურ ნივთების.

"წინა წლის გამოცდილებამ კიდევ უფრო ნათლად დაგვანახა წიგნის ფესტივალის გაციფრულების აუცილებლობა. წიგნი ის ნივთია, რომელიც ყოველთვის ნებისმიერი ადამიანისთვის მარტივად ხელმისაწვდომი უნდა იყოს, სწორედ ამიტომ, წელს უფრო ფართო ასორტიმენტითა და გამარტივებული სერვისით ნებისმიერ ადამიანს ვთავაზობთ სასურველი წიგნის, ნებისმიერ ადგილზე უფასოდ მიწოდების სერვისს. მათ შორის მათ, ვინც წიგნის ფესტივალზე ვერ ახერხებს მოსვლას, ვერ შეძლებს ადგილზე სასურველი წიგნის შეძენას ან მეგობრისთვის ენდომება სასაჩუქრედ შეფუთული წიგნის გაგზავნა", — ნათია ლურსმანაშვილი, ველის ბიზნეს ლიდი.

ფესტივალის ფარგლებში ველიზე მომხმარებელს არაერთი სპეციალური შეთავაზება დახვდება, რომლითაც ქართული თუ ინგლისურენოვანი მრავალფეროვანი ჟანრის წიგნების შეძენას წლის საუკეთესო, საფესტივალო ფასად შეძლებს.

ველიზე წიგნის შერჩევის გამოცდილება ძალიან ჰგავს ფესტივალის გამოცდილებას, რადგან აქ ყველა ქართული გამომცემლების ასორტიმენტს შეხვდებით, ხოლო ჟანრობრივი კატეგორიზაციითა და მუდმივი განახლებებით ყოველთვის აღმოაჩენთ სასურველ წიგნს, ან რაიმე სიახლეს. ეს ყველაფერი კი განსაკუთრებით მაშინ მარტივდება, თუ წიგნს საჩუქრად არჩევთ.

ფოტო: VELI.store

VELI.store-ზე პროდუქტების ონლაინ სასაჩუქრედ შეფუთვა და ნებისმიერ მისამართზე გაგზავნა სრულიად უფასოდ შეგიძლიათ. აღმოაჩინეთ წიგნები საფესტივალო ფასად ველის ციფრულ თაროებზე და მიიღეთ შენაძენი უფასო მიწოდებით საქართველოს ნებისმიერ მისამართზე, თქვენს კართან.