რატომ არის მნიშვნელოვანი: ქართული ოცნების ინიციატივით, ცენტრალური საარჩევნო კოდექსის დაკომპლექტების წესი იცვლება.

  • მმართველ პარტიას სურს, ცესკოს თავმჯდომარეობის კანდიდატების წარდგენის უფლებამოსილება პრეზიდენტის ნაცვლად, პარლამენტის თავმჯდომარეს მიენიჭოს, ასევე, იცვლება მათ არჩევასთან დაკავშირებული პროცედურა და კვორუმი.
  • კანონპროექტის ინიციატორები მამუკა მდინარაძე, გივი მიქანაძე, დავით მათიკაშვილი, რატი იონათამიშვილი და ირაკლი შატაკიშვილი არიან.
  • ცვლილებების დამტკიცების შემთხვევაში, წარდგენილ კანდიდატებს თანამდებობაზე სრული ვადით, 5 წლით პარლამენტი სრული შემადგენლობის უმრავლესობით აირჩევს, მაშინ, როცა დღეს ამისთვის დეპუტატების 2/3-ის მხარდაჭერაა საჭირო.
  • ასევე, ცესკოს არაუმეტეს 9 წევრს პარტიები დანიშნავენ.

დეტალები: საარჩევნო კოდექსსა და პარლამენტის რეგლამენტში შესატანი ცვლილებების პროექტები კომიტეტზე პირველი მოსმენით განიხილეს და მხარი დაუჭირეს.

  • "დღეს საშიშროება რომ არჩევნების საბოტაჟი განხორციელდეს იმ კანონმდებლობით, რაც გვაქვს, ძალიან მაღალია. აქედან გამომდინარე, სწორედ აუცილებლობაა ამ კანონმდებლობის მიღების", — თქვა საპროცედურო საკითხთა და წესების კომიტეტის თავმჯდომარემ, ირაკლი ქადაგიშვილმა.