რატომ არის მნიშვნელოვანი: ქართული ოცნების ინიციატივით, ცენტრალური საარჩევნო კოდექსის დაკომპლექტების წესი იცვლება.

  • მმართველ პარტიას სურს, ცესკოს თავმჯდომარეობის კანდიდატების წარდგენის უფლებამოსილება პრეზიდენტის ნაცვლად, პარლამენტის თავმჯდომარეს მიენიჭოს.
  • კანონპროექტის ინიციატორები მამუკა მდინარაძე, გივი მიქანაძე, დავით მათიკაშვილი, რატი იონათამიშვილი და ირაკლი შატაკიშვილი არიან.
  • ცვლილებების დამტკიცების შემთხვევაში, წარდგენილ კანდიდატებს თანამდებობაზე სრული ვადით, 5 წლით პარლამენტი სრული შემადგენლობის უმრავლესობით აირჩევს, მაშინ, როცა დღეს ამისთვის დეპუტატების 2/3-ის მხარდაჭერაა საჭირო.
  • ასევე, ცესკოს არაუმეტეს 9 წევრს პარტიები დანიშნავენ.

დეტალები: ცენტრალური საარჩევნო კომისიის განცხადებით, მათ წინააღმდეგ მორიგი დისკრედიტაციული კამპანია მიმდინარეობს.

  • უწყებაში ამბობენ, რომ პარლამენტში მიმდინარე პროცესთან შეხება არ აქვთ.
  • "საკანონმდებლო ინიციატივების პოლიტიკური ასპექტების განხილვა და საკანონმდებლო ორგანოს საქმიანობაში ჩარევა არ წარმოადგენს საარჩევნო ადმინისტრაციის უფლებამოსილებას. ამის მიუხედავად, დაინტერესებული მხარეები აქცენტს საარჩევნო ადმინისტრაციაზე აკეთებენ და უსაფუძვლო ბრალდებების გახმაურებით", — განაცხადეს ბრიფინგზე.
  • ცესკოში ფიქრობენ, რომ დისკრედიტაციული კამპანია მიმართულია საარჩევნო ადმინისტრაციის "აშკარა წარმატების დასაჩრდილად".
  • "სულ ცოტა ხნის წინ საზოგადოებამ თვალნათლივ ნახა, რომ საარჩევნო ადმინისტრაციამ უმაღლესი სტანდარტის შესაბამისად ჩაატარა შუალედური/რიგგარეშე არჩევნები", — თქვა პრესსპიკერმა, ნათია იოსელიანმა.
  • მანვე პოლიტიკოსებს მოუწოდა, ცესკოს საქმიანობა შეაფასონ მხოლოდ ადმინისტრაციის ქმედებებით და ნუ დააზიანებენ საარჩევნო პროცესს პოლიტიკური დღის წესრიგის გამო.