რატომ არის მნიშვნელოვანი: ოკუპანტი რუსეთი ირწმუნება, რომ ჩამოაგდო ორი უპილოტო თვითმფრინავი, რომლებიც წუხელ, მოსკოვში კრემლს დაუმიზნეს.

  • რუსული მხარე მომხდარს ვლადიმერ პუტინის სიცოცხლის მოსპობის მცდელობად მიიჩნევს, რასაც უკრაინას უკავშირებს.
  • თუმცა, უკრაინისთვის და დამოუკიდებელი მხარეებისთვის დაუჯერებელია, პუტინის გაძლიერებული დაცვის პირობებში, უცხო ქვეყნის თვითმფრინავი კრემლის ტერიტორიაზე მოხვედრილიყო.

დეტალები: ზელენსკი ამბობს, რომ პუტინის დასჯას არა შურისძიებას, არამედ საერთაშორისო ტრიბუნალს მიანდობენ.

  • "ჩვენ თავს არ ვესხმით არც პუტინს, არც მოსკოვს. ჩვენ ტერიტორიაზე ვიბრძვით. ჩვენს სოფლებსა და ქალაქებს ვიცავთ. იარაღი ამისთვისაც კი არ გვყოფნის. ასე რომ, პუტინს თავს არ დავსხმივართ".
  • მისივე თქმით, რუსეთის პრეზიდენტი დაინტერესებულია, რომ უკრაინას დანაშაულები დააბრალოს.
  • "რამე უეცარი უნდა აკეთოს: ხან "მკვლელობის მცდელობები", ხან დრონები, ხან რაღაც "იხვები, რომლებმაც ისინი დაბომბეს". ყოველდღიურად ამა თუ იმ ნაბიჯებს იგონებენ, მაგრამ ყველაფერი მარტივად გვარდება: არავის დაშინება არ არის საჭირო, არ არის იარაღის გამოყენება საჭირო, ჩვენი ტერიტორიიდან უნდა გახვიდეთ", — განაცხადა ზელენსკიმ.