მილანის ინტერი, რომელიც იტალიის სერია ა-ში ასპარეზობს, €270 მილიონად გაიყიდა.

კლუბის საკონტროლო, 70 პროცენტიანი, პაკეტი ჩინურმა Suning Holdings Group შეიძინა.

გარიგება კვირას დაანონსდა, ხოლო ოფიციალური ცნობა გუნდის გაყიდვის შესახებ დღეს გავრცელდა.

ჰოლდინგის პრეზიდენტის, ჟენ ჯიდონის თქმით, ჩინეთში ფეხბურთის პოპულარობა იზრდება და ინტერის შეძენა კომპანიის მხრიდან სტრატეგიული ნაბიჯია.

რომასა და ბოლონიას შემდეგ, რომლებსაც ამერიკული და კანადური ჯგუფები ფლობენ, ინტერი მესამე იტალიური კლუბია, რომელიც უცხოელმა ინვესტორმა შეიძინა.

ახლო მომავალში მოსალოდნელია მეორე მილანური კლუბის გაყიდვაც.

როგორც ცნობილია, AC Milan-ის მფლობელი, სილვიო ბერლუსკონი, ერთ-ერთ ჩინურ კონსორციუმთან მოლაპარაკებებს უკვე აწარმოებს.