ხელოვნური ინტელექტი გასართობ ინდუსტრიაში სულ უფრო პოპულარული ხდება. ბოლო პერიოდში ბევრი კინომოყვარული დაინტერესდა, თუ როგორ შეცვლის ხელოვნური ინტელექტი ფილმების შექმნისა და გადაღების პროცესს სამომავლოდ. ამაზე პასუხად Avengers-ის რეჟისორმა, ჯო რუსომ განაცხადა, რომ მალე ხელოვნური ინტელექტი ფილმების გადაღებასაც შეძლებს.

ჯო რუსოს თქმით, ხელოვნური ინტელექტი ფილმების გადაღებას 2 წელში შეძლებს. მიუხედავად იმისა, რომ კინოინდუსტრიაში ხელოვნური ინტელექტის ასეთ შესაძლებლობებში დღეს ბევრს ეჭვი ეპარება, რეჟისორმა დასძინა, რომ ეს მომავალი არც ისე შორსაა.

ფოტო: Getty Images

"ხელოვნური ინტელექტის მეშვეობით სიუჟეტის შექმნა და შეცვლა შეგეძლებათ. მალე სახლში მისვლისას ხელოვნურ ინტელექტს ეტყვით, როგორი ფილმის ნახვა გინდათ და ის ამას მარტივად შემოგთავაზებთ", — განაცხადა რუსომ.

რეჟისორმა ისიც აღნიშნა, რომ თუ ხელოვნურ ინტელექტს ზუსტ დეტალებს ვეტყვით და იმასაც დავუმატებთ, როგორ ხასიათზე ვართ, შესაფერის ფილმს მალევე შექმნის. გარდა ამისა, რუსოს თქმით ისიც შესაძლებელია, რომ ხელოვნურმა ინტელექტმა პერსონაჟი ხმით მოგვამსგავსოს და ფილმი "ჩვენი მონაწილეობით" გვაჩვენოს.