ზარქუა: იქ, სადაც საუბარია ღმერთზე, ადამიანის უფლებებზე, საქართველო ყველგან იქნება

27 Apr. 2023, 18:55

ჩვენი ხელისუფლების სხვადასხვა წარმომადგენელი, ზოგი იმყოფება ევროპაში, ზოგი — ამერიკის შეერთებულ შტატებში და ა.შ. ვმონაწილეობთ ყველა პლატფორმაზე, რომელიც არის საქართველოს ინტერესების, ქართველი ხალხის ინტერესების გამომხატველი და ჩვენი მხარდამჭერი. მსგავსი იმართება მაისის თვეში, ეს არის კონსერვატიული მოძრაობა, რომელსაც 70-იან წლებში ჩაეყარა საფუძველი აშშ-ში, სხვადასხვა ლოკაციაზე იმართება, სადაც მონაწილეობს ევროპის სხვადასხვა მაღალჩინოსანი, მათ შორის არიან ყოფილი პრემიერმინისტრები, საგარეო საქმეთა სამინისტროს წარმომადგენლები, მოქმედი პრემიერმინისტრები და ა.შ. მათ შორის არიან კონგრესმენები რესპუბლიკური პარტიიდან.

რელიგია, მართლმადიდებლობა, ქრისტიანობა, ოჯახის სიწმინდე, ტრადიციული ღირებულებები — ამას ეძღვნება კონფერენცია. იქ, სადაც საუბარია ღმერთზე, ადამიანის უფლებებზე, საქართველო ყველგან იქნება და, ბუნებრივია, ჩვენი პრემიერმინისტრი მიწვეულია და ამ პლატფორმაზე გამოვა. ჩვენ ბლომად გვყავს პოლიტიკაში ხელმოცარულები, მე დავარქმევდი ფსევდოლიბერალებს, რომლებმაც ვერ მონახეს თავიანთი ადგილი საზოგადოებაში და შეუძლიათ, მხოლოდ ასეთი გამოხდომებით, ლანძღვით, ჩასაფრებით და პროვოკაციებით გამოიჩინონ თავი. გაჩუმდნენ უბრალოდ, ჩუმად იყვნენ თავიანთ სოროებში. საქართველოს პრემიერმინისტრი, ჩვენი ხელისუფლება ყოველთვის მიიღებს მონაწილეობას იქ, სადაც არის საქართველოს მოსახლეობის უმრავლესობის ინტერესები. ჩვენი ინტერესია ევროპა, ევროინტეგრაცია, მართლმადიდებლობის შენარჩუნება და გაძლიერება, ჩვენი ინტერესია ჩვენი ღირებულებების, ქართველობის დაცვა, რომელიც დემოკრატიასთან შეთავსებადია.

ბოლო ამბები:

ირაკლი ზარქუა ზარქუა: იქ, სადაც საუბარია ღმერთზე, ადამიანის უფლებებზე, საქართველო ყველგან იქნება

კომენტარები

კვირის ტოპ-5

გირჩევთ

ახლა კითხულობენ

ბზის მოჭრაზე კონტროლი მკაცრდება — ჯარიმა 500-დან 2000 ლარამდე იზრდება