ქალაქში ახალი ქართული ტაქსი Mody გამოჩნდა. მარტივი სახელითა და მისაღები პირობებით ადვილად მიიქცია აუდიტორიის ყურადღება. Mody-მ გადაწყვიტა, გაეთვალისწინებინა მომხმარებლის ინტერესები. ახალი ტაქსით მგზავრობა მსურველებს უკვე 24 აპრილიდან შეუძლიათ, თანაც ნახევარ ფასად — კომპანია პირველ 1000 მგზავრობას 50%-იანი ფასდაკლებით შეასრულებს.

რადგან ტაქსების საიმედოობა ხშირად კითხვის ნიშნის ქვეშ დგება Mody-მ სწორედ ამაზე გააკეთა აქცენტი და მთავარ მესიჯადაც გამოიტანა. "მოდი საიმედოა" — ასე დაახასიათა საკუთარი თავი საზოგადოების წინაშე და აუდიტორიას ამ ორი სიტყვით შეატყობინა, რომ კომპანიისაგან მაღალი ხარისხის მომსახურებას უნდა ველოდოთ. კომუნიკაციიდან გასაგები ხდება ისიც, რომ მაქსიმალურად გაითვალისწინებს საზოგადოების ინტერესებს და, საჭიროების შემთხვევაში, დროულად მიიღებს შესაბამის ზომებს.

"ჩვენთვის მნიშვნელოვანია, შევქმნათ მისაღები გარემო. საქმის წამოწყებამდე ხანგრძლივი კვლევა ჩავატარეთ როგორც მძღოლებთან, ისე იმ ადამიანებთან, რომლებიც ხშირად მგზავრობენ სხვადასხვა კომპანიის ტაქსებით. მაქსიმალურად ვეცადეთ, გაგვეთვალისწინებინა შენიშვნები ორივე მხრისაგან და შეგვექმნა ხალხის ინტერესებზე მორგებული მომსახურება. ჩვენ ვიქნებით ის კომპანია, რომელსაც ხალხი ენდობა და კმაყოფილია. მომხმარებელებს მოდის გამოძახება უკვე შეუძლიათ და პირველ 1000 მგზავრობას ჩვენს აუდიტორიას ნახევარ ფასად ვთავაზობთ. ველით მათ შთაბეჭდილებებს", — აცხადებს დამფუძნებელი.

Mody უამრავ საინტერესო სიახლეს გვპირდება, რომელიც სწორედ ხალხის ინტერესებზეა მორგებული.

Mody სწრაფი, უსაფრთხო, კომფორტული და საიმედო ქართული ტაქსია.