არასრულწლოვანის განზრახ მკვლელობაში ბრალდებული ზუგდიდის რაიონულმა სასამართლომ დამნაშავედ ცნო.

დეტალები: 2022 წლის 20 ნოემბერს, ზუგდიდში, სტადიონის მიმდებარე ტერიტორიაზე არასრულწლოვანმა ბრალდებულმა არასრულწლოვანს დანით ორი ჭრილობა მიაყენა.

  • მიყენებული დაზიანებების შედეგად დაზარალებული საავადმყოფოში მიყვანამდე გარდაიცვალა.
  • ბრალდებულს, რომელიც მკვლელობის დღეს დააკავეს, ბრალი დამამძიმებელ გარემოებაში წინასწარი შეცნობით არასრულწლოვნის განზრახ მკვლელობისა და ჯგუფურად ჯანმრთელობის განზრახ მსუბუქად დაზიანების მუხლებით წარედგინა.
  • არასრულწლოვანთა მართლმსაჯულების კოდექსის გათვალისწინებით ზუგდიდის რაიონულმა სასამართლომ ბრალდებული სრულად დამნაშავედ ცნო და სასჯელის ზომად 12 წლით თავისუფლების აღკვეთა განუსაზღვრა.