ინფორმაციას შსს ავრცელებს.

რატომ არის მნიშვნელოვანი: ევროკავშირი განაგრძობს საქართველოში საზღვრის ინტეგრირებული მართვის პროცესის მხარდაჭერას, რაც საზღვრის მართვის სისტემების განვითარებას და მოდერნიზებას გულისხმობს.

  • პროექტის ფინანსური მხარდამჭერია მიგრაციის საერთაშორისო ორგანიზაცია და ევროკავშირი.

დეტალები: შინაგან საქმეთა სამინისტროს სასაზღვრო პოლიციას დაკვირვების სისტემები, მაღალი გამავლობის ავტომანქანები და ავტობუსები გადაეცა.

  • შსს-ს მინისტრის მოადგილემ აღნიშნა, რომ საზღვრის ინტეგრირებული მართვის გაძლიერება სამინისტროს ერთ-ერთი პრიორიტეტული მიმართულებაა.
  • შსს-ს განცხადებით, დაკვირვების თანამედროვე სისტემები, რომლებიც საქართველო-აზერბაიჯანის სახელმწიფო საზღვარზე განთავსდა, მნიშვნელოვნად გააძლიერებს სახმელეთო საზღვრის დაცვის მიმართულებას და გააუმჯობესებს სასაზღვრო მონაკვეთების კონტროლის შესაძლებლობებს.