Reuters-ის ცნობით, უკრაინა კონტრშეტევისთვის 40 000 ჯარისკაცს ამზადებს.

რატომ არის მნიშვნელოვანი: ბოლო თვეების განმავლობაში სასტიკი ბრძოლები მიმდინარებს ბახმუტის გარშემო, თუმცა არაერთი წინასწარი განცხადების მიუხედავად, ოკუპანტებმა ქალაქის ალყაში მოქცევა ამ დრომდე ვერ შეძლეს.

  • უკრაინამ გასულ წელს რუსული ძალები კიევიდან ჩრდილო-აღმოსავლეთისა და სამხრეთ ხერსონის რეგიონის ტერიტორიებზე დაამარცხა.
  • რუსული ძალები კვლავ იკავებენ აღმოსავლეთის, სტრატეგიულად მნიშვნელოვანი სამხრეთისა და ყირიმის ნახევარკუნძულის ნაწილებს.
  • ვოლოდიმირ ზელენსკი ამბობს, რომ უკრაინას სურს თავისი მიწის ყოველი სანტიმეტრი დაიბრუნოს რუსეთისგან, რომელმაც ცალმხრივად გამოაცხადა უკრაინის ხუთი რეგიონი საკუთარ შემადგენლობაში.

დეტალები: ფოლადის საზღვარი რვა ახალი ქარიშხლის ბრიგადიდან ერთ-ერთია, რომელსაც უკრაინა რუსი ოკუპანტების წინააღმდეგ კონტრშეტევის დროს მომდევნო კვირებში გამოიყენებს.

  • შინაგან საქმეთა სამინისტროს მიერ მომზადებული ახალი ბრიგადები რეგულარული არმიის ქვედანაყოფებთან ერთად იბრძოლებენ, რომლებიც გაძლიერებულია დასავლური საბრძოლო ტანკებით და მოკავშირე არმიების მიერ გაწვრთნილი ათასობით ახალი ჯარისკაცით.
  • შინაგან საქმეთა მინისტრმა, იჰორ კლიმენკომ Reuters-ს განუცხადა, რომ უკრაინას ჯერ კიდევ აქვს მნიშვნელოვანი მობილიზაციის პოტენციალი და რომ მის რეკრუტებში შედიან ყოფილი პოლიციელები, სამხედროები, ქალები და ასევე, ადამიანები სამხედრო გამოცდილების გარეშე.
  • კლიმენკოს განმარტებით, გამოცდილების გარეშე სამოქალაქო პირების მომზადებას ოთხი თვე დასჭირდება, ხოლო ყოფილი პოლიციელების ან ჯარისკაცების მომზადებას — ორი.
  • ბრიგადებს ზედამხედველობას უწევს შინაგან საქმეთა სამინისტრო, ასევე, აზოვის პოლკი, რომელმაც გლობალური პოპულარობა შარშან, ალყაშემორტყმულ მარიუპოლში მოიპოვა.