ვიცე-პრემიერისა და განათლების მინისტრის, ალექსანდრე ჯეჯელავას თქმით, კონსტიტუციურ მონარქიას სრული ეროვნული თანხმობა სჭირდება და მისივე განცხადებით, მთავრობის გადაწყვეტილება ქართველი ხალხის ნებიდან გამომდინარე იქნება:

"პირველ რიგში, პატრიარქის ინიციატივა, რა თქმა უნდა, საყურადღებოა, მეორე რიგში მთელმა ქართველმა ხალხმა და ერმა უნდა მიიღოს ასეთ გადაწყვეტილებაში მონაწილეობა".

დღეს, მონარქიის აღდგენაზე სასაუბროდ ირაკლი კობახიძე ილია მეორეს შეხვდა, თუმცა შეხვედრის დეტალები ჯერჯერობით ცნობილი არ არის.

ილია მეორემ, გუშინ, 18 ივნისს ქადაგებაში საქართველოში მონარქიის აღდგენის საკითხზე ისაუბრა.

"საქართველო არის უძველესი ქვეყანა, უძველესი კულტურით. იქნებ გვეფიქრა იმაზე, თუ ვინ ვიყავით წარსულში, ვინ ვართ დღეს და ხვალ ვინ ვიქნებით. იქნებ გვეფიქრა იმაზე, რომ საქართველო არის უძველესი მონარქიული ქვეყანა. მას მეფე მართავდა და დღესაც ხშირი შემთხვევაა მსოფლიოში, როცა მონარქი მეფობს, მაგრამ არ მართავს. ამას ეწოდება კონსტიტუციური მონარქია და მას სიმშვიდე შემოაქვს ქვეყნაში. ეს, რა თქმა უნდა, დღეს და ხვალ ვერ მოხდება," - თქვა ილია მეორემ.