საქართველოში პირველად, ავიაკომპანია სერვისეარისა და ტურისტული კომპანია Vanilla Sky-ის ორგანიზებით, საფუძველი ეყრება ყოველწლიურ ავიაფესტივალს, სახელად Fly Fest Georgia.

პირველი ავიაშოუ 24 ივნისს, ნატახტარში, ნატახტრის აეროდრომზე, გაიმართება. ღონისძიება საღამოს 7 საათზე დაიწყება.

სანახაობაში მონაწილეობას მიიღებენ ქართველი და ევროპელი მფრინავები. ავიაშოუზე წარმოდგენილი იქნება რეაქტიული თვითმფრინავები, შესრულდება ექსტრემალური ფრენები და პარაშუტით ხტომები. შოუში მონაწილეობას მიიღებენ პარაპლანერისტები, დელტაპლანერისტები, ავიამოდელისტები და ა.შ.

შოუზე დასასწრები ბილეთების შეძენა შესაძლებელია როგორც ელექტრონულად, ასევე ნატახტრის აეროდრომსა და ვანილა სქაის ოფისში.